Sereńko 51:8 - সান্তালী বাইবেল

⁸ Iń do kusi ar hulạs reakʼ aṛaṅ ańjom ocoyińme; ar amem gejer akatʼ ińakʼ jaṅko hõ rạskạ ocowakʼme.

Sereńko 51:8 Referans Kwoze

Mathae 5:4

Dukokʼ kogeko bhạgana, ente onko do jiwi raṛecʼko ńama.

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Sereńko 38:3

Amakʼ edre iạte ińakʼ hoṛmo do niphuṭ bạnukʼa, ar kại iạte ińakʼ jaṅko hõ nirại bạnukʼ anaṅ.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Sereńko 30:11

Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Sereńko 13:5

Menkhan iń do amakʼ asambheṛ dulạṛreń bhorsa akana; ar amem bańcao edeńkante ińakʼ ontor do hulạsokʼ kantińạ.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.