Sereńko 51:6 - সান্তালী বাইবেল

⁶ Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Sereńko 51:6 Referans Kwoze

Sereńko 15:2

Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

Jobakʼ 38:36

Kạriḍaṅ rimilkore ạkil do okoeye ematʼa, ar kuṛhạkore buj hõ okoeye emakawada?

Romiko lạgitʼ Pạul Apostolakʼ ciṭhi 7:22

Ińakʼ ontor do Isorakʼ ạn-ạrikoteye rạskạkʼ kana;

Kạhtukko 2:6

ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Luk 11:39

Unre Probhu do uniye metadea, “Ape Phạrusiko do thạri ar bạṭi reakʼ bahre secʼgepe saphayetʼ kana, menkhan apeakʼ bhitritetʼ do laloc ar bạṛicʼte perecʼgetapea.

Sereńko 5:9

Ińren bạirikoakʼ oka katha hõ pạtiạuanakʼ do baṅkana, onkoakʼ ontorre do eken nosṭo reakʼ monejoṅakʼge menakʼa, onkoakʼ moca do oṭakʼ akatʼ topa lekana, onko do alaṅte cĩkạ̃ṛ cĩkạ̃ṛ kathako roṛa.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Sereńko 26:2

E Probhu Isor, iń do khạṭi mente sạbud ocoyińme; ar biḍạu aṭkarińme, ińakʼ mon ar ontor baṛe biḍạutińme;

Jobakʼ 32:8

Sạrige manwa talare jiu do menaegea, ar sanam daṛeanicʼakʼ sahẽtʼge uni doe bujhạu ocoyedekana.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Kạhtukko 2:21

Dhorom hoṛge disạmreko girobasokʼa, ar miridos hoṛ hõ onareko ṭikạu tahena;

2 Rapajko 20:3

“E Probhu Isor, disạime baṛe, am samaṅre oka leka pạtiạrạnicʼ iń tahẽkana ar goṭa ontorte am botoram tulucʼ iń dãṛãnkan tahẽkana ar amakʼ mẽtʼre oka ṭhikakʼkan onageń kạmiyetʼ tahẽkana.” Ar niạ menkate Hiskiạ do hũk hũke rakʼkeda.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Sereńko 125:4

E Probhu Isor, okoeko bhagege ar ontorreko khạṭige onko baṛe bhạlạiykom;

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Sereńko 41:5

Ińren bạiriko do ińakʼ bhageakʼ baṅkateko mena, “Uni do tinreye gujukʼa? Ar tinre uniyakʼ ńutum do cabakʼtaea?”

Jirimiạ 12:1

E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?