Sereńko 51:15 - সান্তালী বাইবেল

¹⁵ E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

Sereńko 51:15 Referans Kwoze

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Sereńko 9:14

jemon Sion kuṛi reakʼ phaṭok duạrkore amakʼ man ar mạhimań pasnao daṛeatam ar amakʼ bańcao ńamkate jemoniń rạskạ daṛeakʼ.

Jeheskel 29:21

“Enhilokʼ Israel do daṛean jạtkoń hoyocokoa ar onko talare katha roṛ lạgitʼ amakʼ mocań jhijtama. Unre onkoko baḍae daṛeakʼa, ińkangeạń Probhu Isor do.”

Sereńko 119:13

Amakʼ moca khon okako ạn oḍokokʼkan ona do ińakʼ mocageye sodortama.

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Exodus 4:11

Menkhan Probhu Isor do uniye metadea, “Manwakoakʼ moca do okoeye benao akada? Okoe uni doe kala, guṅgạ are kãṛã ocoakadea? Ar ńeńel lạgitʼ daṛe do okoeye emakawadea? Uni do cetʼ iń Probhu Isorgeń baṅkana?

Mark 7:34

Ona tayom serma secʼ beṅgetʼ rakapʼkate kũhrạuateye menkeda, “Ephata” mane do “Jhijokʼme.”

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Mathae 22:12

ar bapla bhoj kicricʼ baṅ horokʼ akatʼ mitʼ hoṛe ńel ńamkedea. Raj do uniye kulikedea, ‘henda ho, bapla bhoj kicricʼ begorte cekate nonḍe dom boloyena?’ Khange uni doe keklesetʼena ar cetʼge bae roṛ ruạṛ daṛeada.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Genesis 44:16

Jihudại menkeda, “Hujur cetʼle mena? Ar cetʼ baṅle roṛ ruạṛam? Ar cekate baṅ bin dusi mentele sạbudokʼ? Amren golamkoakʼ dos ma Isorge coṅe udukʼ akatʼ. Okoe ṭhen ona bạṭi ńamakan uni ar ale sanamkoge Hujurren golamle hoyena.”

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?