Sereńko 51:14 - সান্তালী বাইবেল

¹⁴ E Isor, ińren babańcaoicʼ Isor, khuniạhi khon bańcaoińme; onate ińakʼ moca do amakʼ sarhaoe lại jạhira.

Sereńko 51:14 Referans Kwoze

Sereńko 35:28

Iń do alaṅte amakʼ dhorom bicạr reakʼ kathań roṛa, ar goṭa dinge amiń sarhao sereńa ma.

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Sereńko 26:9

Kại hoṛko tulucʼ alom samṭao seledińạ; okoe mãyãm joroyko kusiyakʼkan, onko sãote hõ alom seledińạ.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Aposkạmi 20:26

Onate teheń pusṭạuteń lạiyape kana, iń do okoeyakʼ mãyãm reakʼ hõ dạyik doń baṅkana,

Aposkạmi 18:6

Menkhan Jihudiko do tinre Pạul upạrte katha roṛ ar uni opomaneko ehopʼena unre Pạul do onko upạrte acʼakʼ kicricʼkoe koṭakeda are metatʼkoa, “Apeakʼ mãyãm do apeakʼ bohokʼrege paṛaokʼma. Noa babotre ińakʼ jãhãn dos do bạnukʼtińạ. Ńit khon iń do boṅgan hoṛ jạtrenko ṭhengeń calakʼa.”

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Daniel 9:16

E Probhu Isor, amakʼ dhorom lekate amakʼ nagraha, metakʼme amakʼ sonot buru Jerusalem khon amakʼ edre ar khĩs baṛe sạṅgiń giḍikakʼme. Ente aleakʼ kại ar aleren hapṛamkoakʼ ghạṭ gunạkʼte Jerusalem ar ale amren hoṛko do ale beṛhaete menakʼko sanamko ṭhen henostagele hoyakana.

Daniel 9:7

“E Probhu, am dom hokren Isor kana, menkhan teheń hạbicʼ ale do aleakʼ lajaole asen baṛayeda. Jihudạrenko, Jerusalemrenko ar Israelren sanamko do amre bepạtiạr iạte jạt jạtrenkoakʼ disạmrem chirchạturletʼko onko sanamkoge lajaoko asen baṛayeda.

Jeheskel 33:8

Iń do tinre jãhãe bedhorom hoṛiń metae, ‘Eya bedhoromicʼ, am do khạṭigem gujukʼa,’ ar am do bạṛicʼ hor khon ạcur ruạṛokʼ lạgitʼ uni bam sontore, enḍekhan uni bedhorom hoṛ do acʼakʼ ghạṭ iạteye gujukʼa menkhan uniyakʼ gujukʼ lạgitʼ do amgeń dạyimea.

Jesaea 45:17

Menkhan Probhu Isor do jaejug lạgitʼ Israele bańcaoea; am do jaejug hạbicʼ bam lajao ocokʼa ar bam andmandaokʼa.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Sereńko 88:1

E Probhu, ińren babańcaoicʼ Isor, iń do siń sạṭupʼ am ṭheniń rakʼetʼkana.

Sereńko 68:20

Aboren Isor doe nonkan Isor kana one okoe doe babańcaoicʼkan; Probhu Isor do gujukʼ khone rukhiyạ bona.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Sereńko 38:22

E Probhu Isor, ińren babańcaoicʼ, iń goṛowạń lạgitʼ usạra hecʼ godokʼme.

Sereńko 25:5

Amakʼ sạriyakʼre ạyurińme ar cetʼạńme, ente ińren babańcaoicʼ Isor dom am kangea; ar amrege sanam ghạṛicʼ iń bhorsakʼ kana.

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Esra 9:13

“Aleakʼ bạṛicʼ kạmi ar maraṅ ghạṭ iạtege ale cetanre niạko do hoyokʼkana, menkhan enhõ E aleren Isor, aleakʼ kại reakʼ kuṛại lekate am do thoṛagem sạjại akatʼlea ar aleren adomko hoṛ do jiwetʼem tahẽ ocoakatʼkoa.

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

2 Samuel 3:28

Joab ar uniren boeha Abisae do Abnerkin gocʼkedea, ente uni do unkinren boeha Asahel Gibiạn reakʼ lạṛhạireye gocʼledea. Tayomte Dạud do ona khobor ńamkateye menkeda, “Nerren hopon Abnerakʼ mãyãm reakʼ babotre iń ar ińakʼ rajosṭi do Probhu Isor samaṅre jaejug lạgitʼ bindusạngea. Joab ar uniren apatakʼ bõsren sanamkoge jemon ona mãyãm reakʼ dạyiko hoyokʼ. Joabakʼ bõsrenko sanam ghạṛicʼ jemon jãhãe baṅ jãhãe hereltetʼ khon boḍedakʼ oḍokokʼtako se murhucʼjom rog ńamko, jãhãege ṭheṅgate tiyokʼkateko taṛamma, arko khũn ocokʼma ar jomakʼ okulạnreko paṛaokʼma.”

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”