Sereńko 51:11 - সান্তালী বাইবেল

¹¹ Am samaṅ khon alom pharak giḍikạńạ; iń khon amren sonot Jiu do alom idiyea.

Sereńko 51:11 Referans Kwoze

Ephesiko lạgitʼ Pạul Apostolakʼ ciṭhi 4:30

Isorren sonot Jiu do alope mon duk ocoyea, one uni hotete Isor do chaḍaokʼ reakʼ din hạbicʼ apeye mohor chap dohoakatʼpe.

2 Rapajko 13:23

Menkhan Probhu Isor do Abraham, Isahak ar Jakob lạgitʼ okaṭakʼ bondobose doholetʼ ona iạte uni do Israelko cetanre daya are mãyãkʼkan tahẽkante onkoe luturatʼkoa. Onate teheń hạbicʼ hõ marao giḍiko se apnar samaṅ khon sạṅgiń giḍikako do bae khojleda.

Romiko lạgitʼ Pạul Apostolakʼ ciṭhi 8:9

Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeyakʼ ontorre Mạsiren Jiu bạnui uni do Mạsiren doe baṅkana.

Genesis 6:3

Noa ńelte Probhu Isor doe menkeda, “Ińren Jiu do jaejug hạbicʼ manwa bae cehaokoa, ente onko do gujukʼ taberen kanako. Iń do mitʼsae bargel bochor hạbicʼ somoe iń emakoa.”

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Luk 11:13

Enḍekhan apepe bạṛicʼgere hõ aperen gidrạko bhage bhage jinisko emakope baḍaekan khan, sermaren Baba do acʼ koeyekanko tinạkʼ artetʼ sonot Jiue emakoa!”

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

1 Samuel 16:14

Unre Probhu Isorren Jiu do Sạule bạgiyadea ar Probhu Isor ṭhen khon mitʼṭen bạṛicʼ jiu hecʼkate maraṅ botor udukʼaye ehopʼena.

1 Samuel 10:10

Sạul ar uniren guti do Gibeate kin seṭeren khan mitʼ dol nạbiko sãotekin ńapamena. Unre Isorren Jiu do Sạule sarbharao ocokedea, ar uni do nạbiko talare senkate Isorakʼ katha lạlạiye ehopʼena.

Bikʼcạrko 16:20

Ona tayom Dolila doe metadea, “E Samson, Philisṭiko do am sapʼme lạgitʼko hecʼakana.” Samson do jạpitʼ khon ebhenkateye hudiskeda, lahate lekage irci giḍikate bahreteye oḍok calakʼa mente. Menkhan bae baḍaekan tahẽkana, Probhu Isor do uniye bạgi giḍi akadea mente.

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

Sereńko 71:9

Haṛam umerre alom giḍikạńa; ińakʼ daṛe do caba utạrentińạ, ar alom bạgi giḍikạńạ.

2 Rapajko 24:20

Jerusalem ar Jihudạren hoṛko iạte Probhu Isor do edreteye jal jalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

2 Samuel 7:15

Menkhan ińakʼ dulạṛ do tishõ uni cetan khon bạń ocoga, cetʼleka Sạul cetan khoniń ocokʼletʼte amakʼ hor khoniń ocokʼ giḍilede.

Bikʼcạrko 15:14

Uni do tinre Lehi ṭhene seṭerena unre Philisṭiko do hohowate uni secʼ hijukʼko ehopʼena. Unre Probhu Isorren goḍet do purạ daṛete uni cetanreye hecʼena. Onate uniyakʼ ti reakʼ baberko do lo busupʼ leka hoyena ar uniyakʼ ti do raṛayentaea.

Jirimiạ 7:15

Iń do aperen boehako lạgitʼ, metakʼme Ephrayimren hoṛkore cetʼ iń cekaletʼ onkage ape hõ iń samaṅ khoniń ṭhelao giḍikapea.”

Sereńko 43:2

Ińren aotan gaṛren Isor dom amkangea; cedakʼ iń dom bạgi giḍiyedeń kana? cedakʼ bạirikoakʼ santao iạte monre duk doń asen baṛayeda?

Genesis 4:14

Teheń am do jumi khonem lagayediń kana, ar amakʼ mẽtʼãhã samaṅ khoniń danaṅokʼa. Ar dhạrtireń ạcur baṛaere jãhãe samaṅregeń paṛaokʼ unige iń doe gojeńa.”

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

2 Rapajko 23:27

Ona iạte Probhu Isore menkeda, “Iń samaṅ khon cetʼ leka Israelkoń sạṅgiń giḍiletʼko onkage Jihudạ hõń sạṅgiń giḍikaea, ar okaṭakʼ nagrahań bachaoan tahẽkan Jerusalem ar ona reaṅ iń menletʼ, ‘ińakʼ tahen oṛakʼ hoyokʼa mente’ ona koejoṅ oṛakʼ doń nihạ̃t giḍikakʼa.”

Bikʼcạrko 13:25

Samson do tinre Sora ar Estaol tala reakʼ Mahan-dan ńutumanakʼ mitʼṭecʼ jaegareye tahẽkana unre Probhu Isorren Jiu do uniye uskurkedea.