Sereńko 51:10 - সান্তালী বাইবেল

¹⁰ E Isor, amge ińre khạṭi ontor sirjạume; ar ińakʼ mon baṛe nãwã aroytińme.

Sereńko 51:10 Referans Kwoze

Jeheskel 11:19

Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

Mathae 5:8

Okoeyakʼ ontor khạṭigetako onkogeko bhạgana, ente onko do Isorko ńelea.

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Kạhtukko 20:9

Okoeye men daṛeakʼa, “Iń do ińakʼ ontoriń khạṭi akada, ar ińakʼ kại khoniń sapha akana?”

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Sereńko 73:1

Okoeyakʼ ontor khạṭige onko Israelko secʼ Isor do sạrigeye bhạlạiyicʼ kana.

Jakob 1:8

Uni doe bar monan hoṛkana ar joto kạmirege bae ṭarhaokʼa.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Sereńko 78:37

Onkoakʼ ontor do unire uricʼ baṅ tahẽkana; ar uniyakʼ bondobosre onko do pạtiạr bako tahẽkana.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Jeheskel 36:37

Ona tayom Probhu Isor do ińe metadińa, “Iń do ar mitʼ dhao Israel jạtrenko iń ṭhen nehõrokʼ iń metakoa ar onkoakʼ nehõrokʼakʼ lekate bhiḍi palko leka onkoren hoṛko alekhań hoyocokoa.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Josuạ 14:14

Ar enhilokʼ khon Hebron do Kenisiren Jephun hopon Kalebakʼ ạidạrire menakʼa, ente uni do Israelren Probhu Isorakʼ katha purạteye manaoleda.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”