Sereńko 50:7 - সান্তালী বাইবেল

⁷ “E ińren hoṛko, ańjompe, iń do kathań roṛeda; E Israel, iń do am upạrte gohań emeda; iń doń Isor kana, amren Isorge.

Sereńko 50:7 Referans Kwoze

Sereńko 81:8

E ińren hoṛko, ińakʼ sontor katha ańjompe; E Israelko, ape do ińakʼ kathako luturakʼpe.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Jirimiạ 2:9

“Ona iạte iń do ape ar aperen hoponko artetʼgeń dusipea.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Jeheskel 20:7

Onkoń metatʼko tahẽkana, okoe hirkhạwan boṅga muṭhạnko mońjko bujhạuletʼko onko do jemonko sạṅgiń giḍikako ar Misorren boṅgako hotete apnartetʼ hõ aloko besaphakʼ, ente iń kangeạń onkoren Probhu Isor do.

Jeheskel 20:5

Onkom metakoa, Probhu Isore meneda, ‘oka hilokʼ Israeliń bachaolede enhilokʼ Jakob bõsren hoṛko ṭheniń kiriạlena ar Misorre onko ṭheniń sodorlena. Iń do kiriạkate onkoń metatʼko tahẽkana, ińkangeạń onkoren Probhu Isor do.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Sereńko 49:1

E sanam jạtrenko, ape do noa katha ańjompe; okoe do noa dhạrtirepe girobasokʼ kan ape sanamkoge ańjompe;

2 Bõsbudạ 28:5

Ona iạtege Probhu Isor do Aram rajakʼ tire uniye jimạkadea. Aramrenko do uniko bhagaokedea ar uniren ḍher hoṛko bondiketʼkote Damesekteko idiketʼkoa. Uni hõ Israelren raj Pekawakʼ tireye jimạ ocoyena. Israelren raj do uniren ạḍi utạr hoṛkoe gocʼketʼkoa. Remaliạ hopon Peka do mitʼ dinte Jihudạren mitʼ lakh bargel hajar lạṛhại phạdkoe gocʼketʼkoa, ente Jihudạren hoṛko do akoren hapṛamkoren Probhu Isorko bạgi giḍi akade tahẽkana.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

1 Rapajko 18:39

Noa ńelte sanam hoṛ do otre taberente ãṭ aṛaṅte hohoateko menkeda, “Probhu kangeae Isor do, Probhu kangeae Isor do.”

Sereńko 81:9

Aperen do jãhãn debotako aloko tahentape ma; ar eṭakʼ jạtren debotako ṭhen hõ amakʼ bohokʼ do alom kuḍbura.