Sereńko 50:4 - সান্তালী বাইবেল

⁴ Acʼren hoṛkoakʼ bicạr reakʼ hĩs hatao lạgitʼ uni do coṭ reakʼ rimile hohowae kana, ar dhạrti hõe hohoae kana;

Sereńko 50:4 Referans Kwoze

Jesaea 1:2

E serma ańjomme, E pirthimi ańjomme, Probhu Isore meneda, “Iń do hoponkoń joton hara akatʼkoa, menkhan onko do iń upạrteko hul akada.

Dosar Biboron 32:1

“E serma, ińakʼ kathako luturakʼme; E Ot, ińakʼ moca reakʼ katha ańjomtińme.

Dosar Biboron 31:28

Ape do ape gusṭiren murubbiko ar sanam kạmiyạko iń samaṅre jarwakope. Iń do noa metakoń khojkana ar serma ar ot hõ onko upạrte goha mente doho hõń khojkana.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Dosar Biboron 30:19

“Teheń serma ar ot do ape upạrteń goha ocoyetʼkinạ, iń do jion ar moron, bhor ar sarapge ape samaṅreń dohoakada. Jionge bachao joṅpe, jemon ape ar aperen hopon ar hoponerako jiwetʼpe tahen ar aperen Probhu Isorpe dulạṛete uniyakʼ kathape ańjom ar unirepe sapʼ kajak akae tahen, ente noakorege apeakʼ jion do menakʼa. Ar okaṭakʼ disạm emape lạgitʼ aperen hapṛam Abraham, Isahak ar Jakob ṭhene kiriạlen onḍegepe girobasokʼa.”

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Sereńko 50:6

Rimil do acʼakʼ dhorom bicạr reakʼ kathakoe lại saḍeakada, ente Isor doe bikʼcạricʼ kana.

Dosar Biboron 4:36

Uni do acʼakʼ ḍanṭao tabere ạgupe lạgitʼ serma khon acʼakʼ aṛaṅe ańjom ocoletʼpea ar ape do dhạrtire uniyakʼ ṭhonok reakʼ seṅgel, ar ona seṅgel tala khon uniyakʼ aṛaṅpe ańjomleda.

Jirimiạ 2:9

“Ona iạte iń do ape ar aperen hoponko artetʼgeń dusipea.