Sereńko 50:3 - সান্তালী বাইবেল

³ Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Sereńko 50:3 Referans Kwoze

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Levitikus 10:2

Onate Probhu Isor ṭhen khon seṅgel oḍok hecʼente unkine atarketʼkinạ, ar unkin do Probhu Isor samaṅrekin gocʼena.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Johan sodor 22:20

Okoe noako reaṅe gohayetʼkan uni doe meneda, “Sạrige iń do ạḍi usạrageń hijukʼkana.” Amen. Probhu Jisu, dela hijukʼme.

Ibriko 12:29

Ente aboren Isor do ḍahao maraoakʼ seṅgel lekanae.

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Habakkuk 3:5

Uni laha lahate do mahamạrige calakʼkana; ar uni tayom tayomte do ruạ ar hasoge.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Sereńko 83:1

E Isor, alom duṛupʼ hapekokʼa; E Isor, am do moca alom bondtama, roṛme baṛe.

Sereńko 68:20

Aboren Isor doe nonkan Isor kana one okoe doe babańcaoicʼkan; Probhu Isor do gujukʼ khone rukhiyạ bona.

Sereńko 50:21

Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

Dosar Biboron 9:3

Menkhan ape do niạ katha baḍae dohokakʼpe, aperen Probhu Isor do ḍahao maraoakʼ seṅgel leka ape lahate jordan gaḍae parom maṛaṅokʼ kana. Unige onkoe kạbukoa are marao utạrkoa; unige ape ṭhene bhagao ocokoa; Ar Probhu Isor ape ṭhen oka as reakʼ kathae emakan onkage uni doe laga ńirkoa ar thoṛa ghạṛicʼtegeye marao utạrkoa.

Exodus 19:18

Ona tayom Sinại buru do dhũạte esetʼena, ente Probhu Isor do burure seṅgel tala khone pheḍ hecʼena. Bhaṭa khon cetʼleka dhũạ rakabokʼ ṭhik onkage rakabokʼ ehopʼena goṭa buru do dal dalaoena.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Jeheskel 1:4

Iń do beṅgetʼ rakapʼketʼteń ńelkeda utạr secʼ khon mitʼṭecʼ birbão hoe hijukʼkana, mitʼṭecʼ maraṅ rimilre bijli malkaokʼ kana ar ona beṛhaete do jhak jhak marsal tahẽkana. Ona bijli talare pitạl reakʼ jhalkaokʼkan mitʼṭecʼ marsal tahẽkana.