Sereńko 50:22 - সান্তালী বাইবেল

²² “Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Sereńko 50:22 Referans Kwoze

Jobakʼ 8:13

Okoe Isorko hiṛińe onkoakʼ dosa do onkage hoyokʼa; okoe Isor bako botorae onkoakʼ as do onkage marao utạrokʼa.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Sereńko 7:2

Ar baṅkhan onko do dhạcri kul leka jiwiko cirạitińạ; arko kaṭra kuṭrạ cabayińạ, ar iń bańcaoiń lạgitʼ do celege bako tahena.

Hosea 13:8

Hoponko recʼakade bana eṅga leka iń do onko cetanre jhãpiń ema ar koṛamiń or cirạitakoa. Kul eṅga lekań utʼgotʼkakoa; ar bir janwarko lekań khanḍa khunḍi cabakoa.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Dosar Biboron 32:18

Ape do ona asray burupe nihạ̃t giḍiakada okoe doe aperen babakan; uni Isor dope hiṛiń akadea okoe do eṅgat leka bedon talate noa dhạrtiteye ạguakatʼpe.

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

Jesaea 51:13

Ar ape okoeye sirjạu akatʼpe uni do cedakʼpe hiṛińkedea? Uni do sermae pasnao akada ar dhạrti reakʼ rehetʼe bạisạu akada. Cikʼpạyicʼakʼ kurkurạukʼ edrete cedakʼ ape do siń sạṭupʼpe torasokʼ kana? Uni cikʼpạyicʼakʼ edre do botoranakʼ cetʼ hõ baṅkana.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

2 Samuel 22:42

Onko do goṛo ńam lạgitʼko hohoyetʼkana, menkhan onko rukhiyạko lạgitʼ do celege bako hecʼlena. Onko do Probhu Isor secʼko koyokʼ hor akada, menkhan uni do bae roṛ ruạṛatʼkoa.

Luk 15:17

“Ado mitʼ din cetao hecʼadeteye menkeda, ‘ạpuńren unạkʼ unạkʼ gutiko do sareṛokʼ leka jomakʼko ńameda, menkhan iń do nonḍe reṅgecʼteń gujukʼkana.

Hagae 1:5

Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.

Jeheskel 18:28

Uni do acʼakʼ behok reakʼ katha hudiskate ona khone ruạṛ akante khạṭigeye bańcaokʼa, ar bae gujukʼa.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Sosolhayic̕ 7:14

Suk dinkore rạskạkʼme; menkhan duk dinre do niạko katha hudisokʼme, Isor cetʼleka suke dohoakatʼ onkage duk hõe dohoakada, jemon manwa do acʼakʼ tayom din reakʼ cetʼge aloe baḍae daṛeakʼ.

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Jobakʼ 10:7

Baḍaegeam dusi doń baṅ kana ar amakʼ ti khon okoehõ bako rukhiyạ daṛeạńạ.

Sereńko 9:18

Reṅgecʼ orecʼko do jaejug hạbicʼ bako hiṛińokʼa; ar nindhạnkoakʼ as do tishõ be as do baṅ tahena.