Sereńko 50:21 - সান্তালী বাইবেল

²¹ Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

Sereńko 50:21 Referans Kwoze

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sereńko 90:8

Aleakʼ ghạṭko do am samaṅrem dohoakada; amakʼ mẽtʼãhã reakʼ marsalte aleakʼ oko danaṅ kạiko sodorokʼ kana.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Jesaea 42:14

“Iń Probhu Isor do ḍher din khoniń hape akana; iń doń thirakan ariń rokao akana. Menkhan ńitokʼ do gidrại janam edekan maejiu lekań kikiạukʼkana, ahkaokʼ kạnạń ar phõ phõń sãhetʼeda.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.

Sereńko 73:11

Onkoko mena, “Isor do cekateye baḍaea? Maraṅ Isor ṭhen akel mente cetʼ jãhãnakʼ menakʼa.”

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Jesaea 26:10

Bedhorom hoṛko daya udukʼakore hõ onko do dhorom bako ceda; hokakʼ disạmre onko do dusṭạmiko kạmiya ar Probhu Isorakʼ mạhima hõ bako aṅgoca.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Exodus 3:14

Isor do Moseye metadea, “Menayicʼ doń iń kangea ‘Iń kangeạń uni do. Am do Israelkom metakoa, ‘Iń kangeạń’ ar ińge onko ṭheniń kol akatʼmea.

Sereńko 50:8

Janwar dãṛẽ iạte do bạń dusiyetʼmea; amakʼ jeredokʼ samaṅokʼakʼ ma coṅ jaoge iń samaṅre menakʼtam.

Jobakʼ 34:33

Am do Isorem nihạ̃t giḍi akade khan Isor do cetʼ amakʼ sana leka kuṛạiye emama? Ṭarhao tahen do amakʼ kạmikana, ińakʼ do baṅa; onatege amakʼ monejoṅakʼem sodortama.

Jirimiạ 2:23

Ar cekatem meneda, iń do bạń bhõnḍ akana, am do cetʼ Bakʼal debota tayomte bam ńir sen akana? Buru nalakore amakʼ horko beṅgetʼatam; ar am okam ceka akatʼ ona hõ hudisokʼme. Am do mecka mecki baṛaekan phẽṭaṛ ũṭ leka hante natem piḍgạu baṛaekana.