Sereńko 50:15 - সান্তালী বাইবেল

¹⁵ Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 50:15 Referans Kwoze

Sereńko 107:28

Muhinre paṛaokate Probhu Isor ṭhenko rakʼkeda, ar onate uni do onkoe oḍok ạguketʼkoa.

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Sereńko 107:19

Muhinre paṛaokate onko do Probhu Isor ṭhenko rakʼkeda, ar onate uni onkoe rukhiyạketʼkoa.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Jakob 5:13

Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Jobakʼ 22:27

Uni ṭhenem aroja ar uni do onae ańjomtama, ar amakʼ sanam manotteakʼ em purạutama.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Johan 15:8

Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Sereńko 77:2

Iń do muhinre Probhu Isoriń hohoadea; ar ńindạ jokhecʼ ińakʼ ti do Isor secʼ tul akan tahẽkana, ar iń do bạń laṅgakʼkan tahẽkana; ar ińakʼ ontor do jiwi raṛecʼ bae ńametʼ tahẽkana.

Sereńko 22:23

Ape okoe do Probhu Isorpe botorae kan ape do uni sarhaoepe. Jakobren bõsrenko, ape do uni manotepe. Israelren sanam bõsko, ape hõ uni botoraepe.

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

Bikʼcạrko 15:19

Unre Isor do Lehire mitʼṭen ghaḍlakʼe paṛakʼ ocoketʼte ona khon dakʼ oḍok hecʼena. Ar ona dakʼe ńũketʼ khan Samson do daṛe ńamketʼteye cerṭha ruạṛena. Onate ona jharna reakʼ ńutum do Enhakkore dohokeda (Ona reakʼ mane do “Koejoṅ kạnicʼ reakʼ jharna”). Ar jharna do ńit hõ Lehire menakʼgea.

2 Rapajko 20:2

Niạ katha ańjomkate Hiskiạ do bhit secʼ samaṅkate Probhu Isor ṭhene koekeda,

2 Bõsbudạ 20:9

‘jãhãn muhinko ale cetanre hecʼpaṛaokʼ- baṅ do lạṛhại, baṅ do mahamạri ar baṅ do akal-enḍekhan ale do niạ oṛakʼ samaṅre, metakʼme am samaṅrele teṅgona, ente am do niạ oṛakʼregem tahẽnkana. Aleakʼ kosṭo jokhecʼ ale do am ṭhengele raga, ar aleakʼ rakʼ joṅakʼem ańjomtalete alem bańcaolea.’

Sereńko 4:2

E manwa, ar tinạkʼ hạbicʼ iń dope henostayińạ? Ar tinạkʼ din bạṛicʼakʼpe dulạṛa ar tinạkʼ din eṛeakʼpe ńam baṛaea? (Sela)

Sereńko 34:5

Hoṛko do tinre uni secʼ pạtiạr salakʼko beṅgeda unre onkoakʼ mẽtʼãhã do kharsalakʼtakoa; onkoakʼ mẽtʼãhã do baṅ lajao ocokʼtakoa.

Sereńko 34:7

Okoe do Probhu Isorko botorae kan Probhu Isorren goḍet do onko beṛhaeteye ḍerakʼkana ar onkoe rukhiyạyetʼkoa.

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Sereńko 86:7

Muhinre amiń hohoama, ente am do ińem roṛ ruạṛạńạ.

Sereńko 120:1

Ińakʼ muhinre iń do Probhu Isoriń hohoadea, uni doe roṛ ruạṛạdińa.

Jirimiạ 39:17

menkhan iń do amiń bańcaomea. Am okoeyem botor akokan onkoakʼ tire bam jimạ ocokʼa.