Sereńko 50:10 - সান্তালী বাইবেল

¹⁰ ente birren sanam janwar do ińren kanako, ar buru coṭre ạcur baṛaekan janwarko hõ ińrenge.

Sereńko 50:10 Referans Kwoze

Jona 4:11

Menkhan Niniwire mitʼ lakh bargel hajar khon hõ bạ̃ṛti gidrạ menakʼkoa onko do bako baḍaea okaṭakʼ do jojomti ar okaṭakʼ do leṅga ti kana mente; ona chaḍa ḍher ḍaṅgra ar bhiḍiko hõ menakʼkoa. Enḍekhan iń do cetʼ iń cekaea? Iń do cetʼ ona maraṅ nagraha lạgitʼ bạń mãyãkʼa?”

Sereńko 104:14

Am do ạsul janwarko lạgitʼ ghãs ar manwakoakʼ cas lạgitʼ phosolem janam ocoyeda, jemon uni do ona hasa khon acʼlạgitʼ jomakʼe ńam daṛeakʼ.

Daniel 2:38

Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Genesis 31:9

Isor do abenren babawakʼ palren bhiḍi-meromko khon nonkage ińe emakawạdińa.

Genesis 8:17

Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.”

Genesis 2:19

Ar Probhu Isor do hasa khon otren okoe jiwiyanko ar coṭren cẽṛẽkoe benaoletʼko onko sanamko uni manwa ṭhene ạguketʼkoa. Probhu do ńeńele khojkeda, onko do cetʼ menteye hohoakoa mente. Ar uni okoeṭakʼ oka lekae ńutumkede onkage onko jiwiyankoakʼ ńutum do hoyena.

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;