Sereńko 5:5 - সান্তালী বাইবেল

⁵ Bạḍạiko do am samaṅre bako teṅgo ṭarhao daṛeakʼa; ar bạṛicʼakʼko kạmikan hoṛ dom kurudako kana.

Sereńko 5:5 Referans Kwoze

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Sereńko 1:5

Onate bicạr hilokʼ onko bedhoromko do bako ṭarhaokʼa, ar kạiyan hoṛko hõ dhorom hoṛkoakʼ jarwakʼre bako teṅgo ńama;

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Levitikus 20:23

Ape samaṅ khon okoe jạtrenkoń laga ńirko onko leka do alope colona. Onkoakʼ colon iạte onko do hirkhạ mẽtʼteń ńeletʼkoa.

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Kạhtukko 8:5

Lelha hoṛ do, budan hoyokʼ lạgitʼ ạkilko hameṭ joṅa; ar khaṭo bujan hoṛ hõ ạkilko hameṭ joṅa.

Mathae 7:23

Unre pusṭạuteń lạiyakoa, ‘ape do tis hõ bạń baḍaeletʼpea. E bedhorom kạmiko, men iń khon sahaṛokʼpe.’

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Sosolhayic̕ 5:4

Isor ṭhen jãhãnakʼge manotakʼem dohoakatʼ khan ona purạu do alom biloma. Uni do bebuj hoṛkore rạskạ do bạnukʼtaea. Ar amakʼ manotakʼ do uni purạuaeme.

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Sereńko 75:4

Iń do phulạukʼkan koń metakoa, ‘alope gorbokʼa,’ ar bạṛicʼko doń metakoa, ‘dereń do alope rakabtapea.

Sereńko 130:3

E Probhu Isor, dhorom reakʼ hisạbem hatao khan, enḍekhan E Probhu Isor, okoeye teṅgo ṭarhao daṛeakʼa?

Sereńko 94:8

Orlo hoṛko, ape do luturakʼpe; E bebujko, ape do tispe ạkilokʼa?

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Sereńko 73:3

Ńelkedạń, bedhoromko do ạḍi sukre menakʼkoa, ar onko bạḍại hoṛko ńelte ińakʼ mẽtʼ do jolokʼkan tiń tahẽkana;

Sereńko 10:3

Bedhorom hoṛ do acʼakʼ ontor reakʼ bạṛicʼ monsubạteye gorbokʼ kana; ar lalocicʼ do Probhu Isore sarapae kana ar uniye neṅghao edekana.

Kạhtukko 15:9

Probhu Isor do bedhoromkoakʼ hore hirkhạwakʼa, menkhan okoe hok reakʼ kạmi lạgitʼko laha idikʼ onko doe dulạṛkoa.