Sereńko 5:3 - সান্তালী বাইবেল

³ E Probhu Isor, din hilokʼ setakʼre ińakʼ katham ańjometʼ kana setakʼre iń do am samaṅre ińakʼ koejoṅiń samaṅetʼ kana ar askateń ńel hohorkana.

Sereńko 5:3 Referans Kwoze

Sereńko 119:147

Ạuri aṅga marsalokʼrege iń do beretʼkate goṛo ńam lạgitʼ iń rakʼeda; amakʼ gokʼakʼ cetanreń bhorsakʼ kana.

Sereńko 88:13

E Probhu Isor, iń do am ṭhen goṛo ńam lạgitʼ iń rakʼeda; setakʼre am ṭhen ińakʼ koejoṅ do seṭerokʼkana.

Mark 1:35

Dosar hilokʼ setakʼ ńut tahẽkanrege Jisu doe beretʼena ar oṛakʼ bạgikate mitʼṭecʼ nisun jaegare senkate koejoṅe ehopʼena.

Sereńko 130:6

Pahradarko cetʼleka aṅga marsalokʼ reakʼko koyokʼ horetʼ, hẽ, onko cetʼleka aṅga marsalokʼ lạgitʼko ńel horetʼkan, ona khon hõ ińakʼ ontor do Probhu Isor lạgitʼ koyokʼ horre menaea.

Sereńko 55:17

Setakʼ, tikin ar ạyupʼ iń do botor salakʼiń ạjijaea, ar uni do ińakʼ aṛaṅe ańjomtińạ.

Jesaea 26:9

Ińakʼ jiwi do ńindạ am lạgitʼe rakʼeda. ińren jiu do am lạgitʼe ahkaokʼ kana. Dhạrtire amakʼ hok bicạr hecʼlenre prithimiren hoṛ do dhorom reakʼ cecetʼakʼ ko ńama.

Sereńko 69:16

E Probhu Isor, amakʼ daya reakʼ asambheṛ dulạṛte roṛ ruạṛạńme baṛe; ar amakʼ asambheṛ dayate iń secʼ ạcurokʼme.

Sereńko 22:2

E ińren Isor, siń bhoriń hohowam kana, menkhan am do bam roṛ ruạṛạń kana; ar ńindạ hõ iń do thir akan bạń tahẽnkana.

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

Sereńko 74:12

Enrehõ E Isor, ạd khonge am do ińren raj kanam; amge noa dhạrtire babańcao reakʼem kạmikana.

Sereńko 84:4

Bhạgangeako onko do, one okoe do amakʼ oṛakʼreko tahẽnkan; onko do sanam ghạṛicʼ amgeko sarhaomea. (Sela)

Sereńko 130:2

E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

Sereńko 145:1

E ińren Isor, E raj, iń do amiń sereńama; iń do jaejugiń sarhaomea.

Rak̕joṅ 3:56

Ar ińakʼ nehõr joṅakʼem ańjomketʼtińạ, “Goṛo ńam lạgitʼ iń rakʼamre lutur do alom bond esetʼkatama. ”