Sereńko 5:11 - সান্তালী বাইবেল

¹¹ Menkhan okoe amreko hirlạjoṅkan onko doko rạskạkʼma, onko do rạskạte jaejugko sereń joṅma; am do onkoge baṛe rukhiyạkom, jemon okoe amko dulạṛetʼme onko do am iạteko hulạs daṛeakʼ.

Sereńko 5:11 Referans Kwoze

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Sereńko 68:3

Menkhan Isor botoraekanko doko kusikʼma ar Isor samaṅreko rạskạkʼma; onko do kusiteko hulạsokʼma.

Sereńko 40:16

Menkhan amakʼ sana leka calakʼkanko do amregeko kusikʼa arko hulạsokʼa; ar okoe amakʼ bańcaoko dulạṛetʼ onko do jaogeko men ma, “Probhu Isorakʼ sarhao hoyokʼtae ma!”

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

1 Korinthiko 2:9

Menkhan sonot sostor reakʼ katha leka; “Isor okoeko dulạṛedekan onko lạgitʼ uni okakoe ṭhik dohoakatʼ, ona do okoe hõ mẽtʼte bako ńelakada, luturte bako ańjom akada ar hudis hõ bako hudis akada.”

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Sereńko 69:36

Ar uniren golamren bõsren hoṛko do ạidạri lekate onako ńama, ar okoe uniko dulạṛe onko do onḍeko tahena.

Sereńko 65:13

Mitʼke mitʼ ṭạnḍi do bhiḍi palkote perecʼ akana, ar buru nala do anajkote dalopʼ akana; onako do hulạsteko hohoyeda arko sereńeda.

Sereńko 35:27

Dhorom horteń calakʼkan, noa katha ańjomkate okoeko rạskạkʼkan onko do kusiteko hulạsokʼma. Ar jao ghuṛigeko men ma, “Probhu Isorakʼge sarhao hoyokʼtaema; uni do acʼren gutikoakʼ bhạlại iạteye kusikʼ kana.”

Sereńko 58:10

Onko cetanre hala hạli hoylen khan Isor botoraeko doko kusikʼa; onko do phạsiạrakoakʼ mãyãmre jaṅgako ạbukokʼa.

Jobakʼ 38:7

Unre setakʼren ipilko do mitʼ sãoteko sereńleda ar serma goḍetko do rạskạteko anḍoṛleda.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.