Sereńko 49:19 - সান্তালী বাইবেল

¹⁹ enhõ uni do acʼren hapṛamko ṭhen calakʼtege hoyokʼtaea one onko do siń reakʼ marsa tisge bako ńelńam.

Sereńko 49:19 Referans Kwoze

Jobakʼ 33:30

jemon uniyakʼ jiwi do Sheol khon ruạṛ hijukʼtaea ar uni cetanre jiwetʼko reakʼ marsal paṛaoaea.

Sereńko 56:13

ente gujukʼ reakʼ ti khon am do ińakʼ jiwim rukhiyạ akatʼtińạ ar ńurokʼ khonem bańcao akadińạ, jemon jion reakʼ marsalre Isor samaṅreń dãṛãbaṛa daṛeakʼ.

Genesis 15:15

Ar am do ona laharege ḍher umerre suluktem topa ocokʼa ar amren hapṛamko ṭhenem calakʼa.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

Mathae 22:13

Unre raj do acʼren gutikoe metatʼkoa, ‘ti jaṅgare tolepe ar bahre ńutre giḍikaepe. Onḍe do rakʼjoṅ ar togocʼ ḍaṭa hoyokʼa.’ ”

Mathae 8:12

Menkhan rajosṭiren hoponko do bahre ńutreko giḍi ocokʼa. Onḍe do rakʼjoṅ ar togocʼ ḍaṭa hoyokʼa.”

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Sosolhayic̕ 3:21

Manwa jiu do cetan secʼ ar janwar jiwi do ot latar secʼ calakʼa ona do okoeye baḍaea?

1 Rapajko 16:6

Tayomte Basa do acʼren hapṛamko ṭhene calaoena ar Tirsareko topakadea. Ar uniyakʼ jaegare uniren hopon Ela do raje hoyena.