Sereńko 49:14 - সান্তালী বাইবেল

¹⁴ Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Sereńko 49:14 Referans Kwoze

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

1 Korinthiko 6:2

Ape do cetʼ bape baḍaea, Isorren hoṛkoge dhạrti reakʼko bicạra mente? Ar dhạrti reakʼpe bicạr khan, enḍekhan huḍiń utạrakʼko bicạr lạgitʼ do cedakʼpe belekgea?

Daniel 7:22

one tin hạbicʼ uni murubbi hecʼkate maraṅ Isorren hoṛko secʼ ray ạuriye em. Ar ona tayom khon Isorren hoṛko do rajokʼko ehopʼena.

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

Romiko lạgitʼ Pạul Apostolakʼ ciṭhi 8:36

Sonot sostorre olakana, am iạte jaogele gocʼ ocokʼkana: ar gur ocokʼ bhiḍiko lekageko hudisetʼlea.

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Sereńko 39:11

Kại iạte tinre manwako keṭecʼ kathatem ḍanṭaoetʼkoa, unre jạrdi leka onkoakʼ saj dom nosṭoyetʼtakoa; ente manwa do ekenko michạgea. (Sela)

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Jirimiạ 12:3

E Probhu Isor, am dom baḍae akadińạ; arem tunkhi talaseyedeń kana ar tinạkʼ iń botoramkan ona hõm biḍạu aṭkar edeńkana. Onko do bhiḍiko leka gurko lạgitʼem tiyạkʼ idiyetʼkoa; ar gurko hilokʼ lạgitʼem begar dohoyetʼkoa.

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Sereńko 47:3

Uni do eṭakʼ eṭakʼ jạtrenko abo gobolre, ar aboakʼ jaṅga latarreye dohoyetʼkoa.

Sereńko 44:11

Samaṅe lạgitʼ tiyạkʼ idiye bhiḍi leka onkoakʼ tire am dom aṛakʼ akatʼlea ar eṭakʼ eṭakʼ jạtrenko talarem chirchạtur akatʼlea.

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.

Jobakʼ 21:26

Unkin bana hoṛge mitʼleka otrekin giticʼkana; ar tejo doko chạplạu esetʼetʼkinạ.

Jobakʼ 21:13

Onko do suk nirạite dinko khemaoeda ar sulukte Sheolteko calakʼkana.

Jobakʼ 4:21

Onkoakʼ jotowakʼ do tạmbu baber leka racakʼ topakʼ ocokʼtakoa, ar onko do bebujko lekateko gujukʼa.’