Sereńko 47:1 - সান্তালী বাইবেল

¹ E sanam jạtrenko, ape do thayoype; ar Isor ńutumte hulạs aṛaṅpe.

Sereńko 47:1 Referans Kwoze

Sereńko 106:47

E Probhu, aleren Isor, ale rukhiyạleme baṛe; ar eṭakʼ jạtrenko tala khon mitʼ ṭhạ̃ire ạguleme, jemon amakʼ sonot ńutumle gun manao johar daṛeakʼ ar amle sarhao daṛeamtele sabasi daṛeakʼ.

Sereńko 98:4

Dhạrtiren sanam hoṛ, ape do Probhu Isor ńutumte rạskạkʼpe; ar rạskạte andoṛpe ar sarhao sereńpe.

Jirimiạ 31:7

Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

2 Rapajko 11:12

Unre Jehoyada do rajren hopone oḍok ạgukedete uniyakʼ bohokʼre mukuṭe horokʼadea ar uniyakʼ tire bondobos reakʼ puthiko caladea. Onko do raj menteko ojokʼ bahalkedea ar disạm hoṛko do ti thayoate ar ãṭ aṛaṅte hohoateko menkeda, “Moharaj do jiwetʼ baṛeye tahenma.”

2 Samuel 6:15

Unre Dạud ar Israelren sanamko rạskạte hoho hohowate ar sakwa oroṅ oroṅte Probhu Isorakʼ sindukko ạgukeda.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Sereńko 98:8

Sanam gaḍako do thayoateko rạskạkʼma, Buru boṭkocʼ do mitʼ sãoteko rạskạ midokʼma.

1 Samuel 10:24

Unre Samuel do sanamkoe metatʼkoa, “Ape do cetʼ Probhu Isore bachao akade hoṛpe ńelńame kana?” Sanam hoṛko modre uni lekanko do ar okoege bạnukʼkoa. Unre hoṛkoko menkeda, “Raj do jiwetʼ baṛeye tahenma.”

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.