Sereńko 46:10 - সান্তালী বাইবেল

¹⁰ Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

Sereńko 46:10 Referans Kwoze

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Habakkuk 2:20

Menkhan Probhu Isor do acʼakʼ sonot oṛakʼre menaea; sanam dhạrti do uni samaṅre hapeakan tahenma.”

Jeheskel 38:23

Ar nonkate iń do jạt jạtrenkoakʼ mẽtʼãhã samaṅreń sodorokʼa; ar dhorom ar sonotgeń sodora. Unre onkoko baḍae daṛeakʼa, ińkangeạń Probhu Isor do.’

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Sereńko 57:5

E Isor, amakʼ man do serma hạbicʼ rakabokʼma; amakʼ ṭhonok do goṭa dhạrtire ńelokʼma.

1 Bõsbudạ 29:11

E Probhu, ṭhonokʼ, daṛe, jakjomok, jitạu ar sarhao do amakʼge, ente serma ar dhạrti reakʼ jotowakʼge amakʼ kana. E Probhu Isor, am do sanamakʼ cetanrem rajokʼkana; amakʼ ṭhạ̃i do sanamko cetanrege.

Sereńko 21:13

E Probhu Isor, amakʼ daṛetege sodorokʼme; ale do amakʼ daṛe reakʼle sarhaotama arle sereńa.

Jesaea 5:16

Menkhan phạdkoren Probhu Isor do dhorom reakʼe bicạra are usulokʼa; sonoticʼ Isor do acʼakʼ dhorom iạte sonot menteye sodorokʼa.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Jesaea 2:11

Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.

1 Rapajko 18:36

Ado ạyubokʼ okte Eliạ nạbi doe hecʼena are koekeda, “E Probhu, Abraham, Isahak ar Israelren Isor, teheń am do baḍae ocokom, Israelkoren Isor dom am kangea ar iń do amren guti kạnạń, ar amakʼ hukumtege noako doń kạmikana.

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

Josuạ 11:6

Unre Probhu Isor do Josuại metadea, “Onko do alom botorakoa, ente gapa niạ okte bhitrite Israelko samaṅre onko sanamkoń marao cabakoa. Ar am do onkoren sadomkoakʼ jaṅga sirem ged takoa ar rãt-gạḍikom jeretʼ giḍikatakoa.”

Josuạ 11:9

Probhu Isor do Josuạ cetʼlekae hukumade tahẽkan onkage bạiriko cetanreye kạmikeda. Uni do sadomkoakʼ jaṅga sire getʼketʼtakoa ar rãt-gạḍiko doe jeretʼ giḍikada.

1 Samuel 2:4

Daṛeankoakʼ akʼ do rạputʼ akana, menkhan bhindạṛ akanko do daṛeanteko beretʼena.

2 Rapajko 6:23

Onate raj do onko lạgitʼ maraṅ okocʼe bhojkeda. Arko jom ńũ baṛaketʼ khan onkoe bidạkatʼkoa ar onko do akoren mạlik ṭhenko ruạṛ calaoena. Onate Aramren lạṛhại phạdko do Israel raj talare luluṭko bạgikeda.

Sereńko 37:15

Menkhan onkoakʼ tarwaṛe do onkoakʼ koṛamrege bolokʼa ar onkoakʼ akʼ do rạpudokʼ takoa.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Jirimiạ 49:35

“Iń phạdkoren Probhu Isorgeń meneda, iń do Elamrenkoakʼ akʼ kạnạń, onkoakʼ asolakʼ khunṭi doń rạputʼ giḍiya.

Jeheskel 30:8

Misorre iń do tinre seṅgeliń jolla ar onaren sanam gokʼṛokoko rạpudokʼa unre onkoko baḍae daṛeakʼa, ińkangeạń Probhu Isor do.

Jeheskel 39:3

Ona tayom iń do amiń ghạlmea ar amakʼ leṅga ti khon akʼ ar jojom ti khon do sar iń giḍikatama.

Mikạ 4:3

Uni do boṅgan hoṛ jạtrenko talareye bicạra ar sạṅgińren daṛean hoṛko talare hok reakʼe chinḍạukatakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ bako lạṛhạiya.