Sereńko 45:14 - সান্তালী বাইবেল

¹⁴ Noksa akatʼ horoakʼte uni do raj ṭhenko idiyea; ar uni tayomte soṅgeten kũạ̃ri kuṛiko hõ am ṭhenko idi ocokʼa.

Sereńko 45:14 Referans Kwoze

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Soros sereń 8:13

E bagwanre tahenkạnicʼ, gateko do amakʼ aṛaṅ ańjom lạgitʼko akʼtenkana, ar ińhõ baṛe ańjom ocoyińme.

Soros sereń 6:13

Ruạṛme, dela ruạṛme, E Sulemit; ale do jemon amle ńelme ona iạte ruạṛme, dela ruạṛ hijukʼme. Ape do Mohenoyimakʼ enecʼ ńel leka, cedakʼ Sulemit ńele dope khojkana?

Soros sereń 6:8

Turuigel rạni ar irạl gel chuṭki erako ar alekha kuṛikoko tahẽdaṛeakʼa,

Soros sereń 6:1

Maejiuko modren E napae utạricʼ, dulạṛiạtam do okateye senakana? Uni do oka secʼe ạcur sen akana? Ma lạiyaleme, ale hõ jemonle sendra goṛowam.

Soros sereń 2:7

E Jerusalemren kuṛiko, Poṭretʼ jel ar posta eṅgako ńutumteń nehõrokʼ kana, dulạṛ do alope buskuyea ar alope ebhenea uniyakʼ okteko ạuri hoyokʼ hạbicʼ.

Exodus 28:39

“Naekeakʼ bhitri aṅgrop do mĩhĩ musnạ kicricʼte benao hoyokʼa ar dạhṛi hõ ona mitʼ sutạmtege benao hoyokʼa. Ḍanḍa totolakʼ hõ mitʼṭecʼ noksa akatʼ jinisge tahena.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Bikʼcạrko 5:30

“Khạṭige onko do luṭakʼ jinisko ńamakada ar ako talareko hạṭiń joṅkana; mimitʼ herel hoṛ lạgitʼ mitʼṭen se barea kuṛi ar Sisera lạgitʼ do nana parkan kicricʼ, tiń galaṅakʼ kicricʼko, hoṭokʼ beṛhaeteakʼ baha galaṅakatʼ kicricʼko noa sanamakʼge cetʼ bako luṭ akada?”

Exodus 27:16

“Raca reakʼ duạr lạgitʼ ponea khunṭi, ponea ganḍo ar bargel moka jeleń mitʼṭecʼ orwal tahena. Orwal do nil, beguni, ar jeṅgetʼ arakʼ sutạm ar uńatʼ mĩhĩ musnạ sutạmte mitʼṭecʼ noksa reakʼ jinisge hoyokʼa.