Sereńko 44:17 - সান্তালী বাইবেল

¹⁷ Noako ale cetanre paṛao akante, amle hiṛińakatʼmea ona do baṅa; ar amakʼ bondobosre bepạtiạr akae menakʼlea ona hõ baṅa.

Sereńko 44:17 Referans Kwoze

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Jeheskel 20:37

Ińakʼ ṭheṅga latarteń sen parom ocopea; ar ińakʼ bondobos reakʼ tonolreń aderpea.

Jeheskel 16:59

“Amakʼ kạmi lekage am sãoteń beohara, ente ińakʼ bondobosem rạputʼ akatʼte ińakʼ kiriạwakʼem nihạ̃t giḍi akada.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Jirimiạ 2:32

Jãhãe kuṛige cetʼ acʼakʼ abhrankoe hiṛiń daṛekea? Jãhãe baplakʼkan bạhu kuṛi do cetʼ bapla reakʼ abhrane hiṛiń daṛekea? Menkhan ińren hoṛko do ḍher din khon ińko hiṛiń akadińạ.

Jesaea 17:10

Am do amren babańcaoicʼ Isorrem hiṛiń akadea; ar ona asrayokʼ buru hõm hiṛińakada. Ar am do mońj mońj cara ar eṭakʼ disạm khon ạguwakʼ darkha nạ̃ṛĩkom rohoejoṅ kana,

Sereńko 78:57

Onkoren hapṛamko lekage ṭhik hor khon ocokʼkate onko doko behokkeda; onko do peṛta akʼ lekako konḍeayena.

Sereńko 78:7

Enḍekhan onko do Isorreko bhorsakʼa; ar uniyakʼ kạmiko hõ bako hiṛińa menkhan uniyakʼ hukumko dohoytaea.

Sereńko 44:20

Aleren Isorle hiṛiń akade khan, ar debotako secʼ tile tiạr akatʼtale khan,

Sereńko 9:17

Okoe jạtrenko do Isorko hiṛińedekan onko bedhoromko do gocʼkate patal puriteko calakʼa.