Sereńko 44:10 - সান্তালী বাইবেল

¹⁰ Bạiriko samaṅ khonem pạc ocoketʼlea; ale upạrtenko do aleko luṭ akatʼlea.

Sereńko 44:10 Referans Kwoze

Josuạ 7:8

E Probhu Isor, bạiriko ṭhen Israelkoko bhagao ocoyen tayom do ar mementeakʼ cetʼ menakʼtińạ?

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Sereńko 89:41

Ar uniyakʼ disạm aṛeteko parom calakʼ hoṛ do jotowakʼko luṭ iditaea; ar acʼ aḍepase jạtrenko ṭhen do landa dhutʼicʼe hoyakana.

Josuạ 7:12

Ona iạte Israelko do akoren bạiriko samaṅre bako teṅgo ṭarhao daṛeakʼ kana; arko dạṛeda, ente onko do ḍahao maraokʼ reakʼ sarapakʼ taberen hoṛko hoyakana. Ḍahao maraokʼ sarapakʼ tabe reakʼ jinisko ape ṭhen menakʼa. Onako ạuripe ocokʼ cabae hạbicʼ ape sãore iń do bạń tahena.

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Jirimiạ 20:8

Iń do tinạkʼ dhao kathań roṛetʼkan unạkʼ dhaoge maraokʼ reakʼ kathageń porcaretʼ kana. Onate Probhu Isorakʼ katha iạte iń do goṭa dinge opoman ariń cigạri ocokʼkana.

Jirimiạ 15:13

E Jihudạ amakʼ sanam kạiko ar goṭa disạm tala reakʼ kạiko ńutumte amakʼ dhon ar murạiko do, begor damteakʼ luṭakʼ jinis lekateń soprota.

Jesaea 10:14

Jãhãege cetʼleka tukại tiyog onkage iń hõ jạtrenkoakʼ dhon durib iń hatao akatʼtakoa. Ar hoṛko cetʼ leka beleko halaṅ jarwae onkage iń do dhạrti reakʼ sanam disạmiń hạr samṭao akada. Phạ̃kṛạ̃kʼ do okoehõ bako phada phuduyeda ar okoehõ bako cahapʼeda ar bako cero beroyeda.’ ”

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

1 Samuel 4:17

Okoe hoṛ sombate ạguketʼ uni doe menkeda, “Philisṭiko samaṅ khon Israelko doko dạṛkeda ar ạḍi utạr hoṛko gocʼ ocoakana. Amren banar hopon Hopni ar Pinehas hõkin gocʼ ocoyena ar Isorakʼ sinduk hõ bạirikoko idikeda.”

Levitikus 26:14

“Menkhan ińakʼ katha bape ańjom ar noako hukum reakʼ bape manao,

Numeri 14:42

Alope rakapʼ calakʼa, ente Probhu Isor do ape soṅgere bạnuiya. Bạiriko ṭhenpe bhagao ocokʼa.

Numeri 14:43

Onḍe ape do Amalekiko ar Kananrenko samaṅrepe paṛaokʼa. Ar Probhu Isor khonpe sahaṛ akante uni do ape tulucʼ bae tahena. Onate ape do lạṛhạirepe gujukʼa.”

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Sereńko 60:12

Isorakʼ goṛote ale dole jitạukʼa; ar aleren bạiriko uni doe lebetʼ gańjaokotalea.

Sereńko 89:39

Amren golam lạgitʼ oka bondobosem dohoakatʼ ona dom hirkhạ akawada; ar ona reakʼ mukuṭ do dhuṛire giḍikatem be sonotakada.

Sereńko 89:43

Am do uniyakʼ tarwaṛem bhotṛo ocoakatʼtaea; ar lạṛhạire uni do bam jitạu ocoadea.