Sereńko 44:1 - সান্তালী বাইবেল

¹ E Isor, sedaere aleren hapṛamko oktere okaṭakʼem cekaletʼ onko reaṅ katha ale do apnarakʼ luturtele ańjomleda.

Sereńko 44:1 Referans Kwoze

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Dosar Biboron 6:20

“Tayom daram dinkore aperen hoponko tinreko kulipea, ‘aboren Probhu Isorakʼ noako sontorokʼ reakʼ katha, niạm ar hukumkope em ocoakan onako reakʼ mane do cetʼ kana?’

Joel 1:3

Niạ ghoṭna reakʼ katha do aperen hopon ar hoponerako lạiyakope ar onko hõ akoren hopon ar hoponera ṭhenko lạima ar onkoren hopon ar hoponerako do akoren bõsko lạiyakoma.

Sereńko 77:5

Sedaeakʼ kathakoge iń doń hudisokʼkan tahẽkana, hudisokʼkan tahẽkạnạń ḍher bochor laha reakʼ kathakoge.

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.

Jesaea 38:19

Eken jiwetʼkoge, hẽ jiwetʼkoge am doko sarhaomea cetʼleka teheń amiń sarhaoetʼme; apat do acʼren hoponko amakʼ gokʼakʼ reakʼ kathae lạiyako leka.

Sereńko 22:31

Okoeko ńit hõ bako janam akan, onko ṭhen senkate Hoṛko do uniyakʼ dhorom reakʼ kathako lại jạhira; arko mena, unige noako doe kạmi akada.

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.