Sereńko 43:4 - সান্তালী বাইবেল

⁴ jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Sereńko 43:4 Referans Kwoze

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sereńko 57:8

E ińakʼ ontor, ma ebhenokʼ me; binạ banam ar peṛesaṅ, ebhenokʼben; iń do aṅga marsaliń ebhen ocoyea.

Sereńko 33:2

Peṛesaṅ banamate Probhu Isor do gun manao joharae pe; ar gel taranakʼ banamkote õṛhẽ sereńaepe.

Sereńko 81:2

Oṛhẽ sereń ehobpe, ar tobla saḍe ocoype; mońj peṛesaṅ banam salakʼge.

Sereńko 42:6

E ińren Isor, ińakʼ jiwi do be as akantińạ; onate iń do Jordan gaḍa aṛereń teṅgo akana, ar Hormon buru reakʼ cuṛạre ar Mitsui burure teṅgokate amakʼ katha reakʼiń ganḍonokʼ kana.

Sereńko 26:6

E Probhu Isor, iń do miridoste tikiniń ạrupʼtińạ ar amakʼ pinḍ beṛhaeteń ạcur hijukʼa,

2 Samuel 6:5

Dạud ar Israel jạtren sanam hoṛ Probhu Isor samaṅre debdạru kaṭte benaoakʼ sanam lekan bajnako ar binạ banam, peṛesaṅ, tabla, kortal ar ghạnṭikoante sereń sereńteko calakʼkan tahẽkana.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Sereńko 57:9

E Probhu Isor, eṭakʼ eṭakʼ jạtrenko talare amiń sarhaomea, ar onko talare amiń õṛhẽ sereńama;

Sereńko 63:2

Nonkage ona sonot ṭhạ̃ire iń doń ńel akatʼmea, ar amakʼ daṛe ar ṭhonok hõń ńelakada.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”