Sereńko 43:3 - সান্তালী বাইবেল

³ Amakʼ marsal ar amakʼ sạriyakʼtetʼ baṛe imạńme; onage iń do hore udukʼạńma. Ar amakʼ sonot buruteye idiyińma one okare amem tahenkan,

Sereńko 43:3 Referans Kwoze

Sereńko 36:9

Am do jion reakʼ marsal kanam; amakʼ marsaltege ale dole marsalena.

Johan 1:4

Onare jion tahẽkana ar ona jionge manwakoakʼ marsal tahẽkana.

Sereńko 143:10

Amakʼ sana leka kạmi lạgitʼ cetʼạńme, ente am dom ińren Isor kana; amren bhạlạiyicʼ Jiu hotete mitʼ são horre ạyurińme.

Sereńko 119:105

Amakʼ katha do hor udukʼạń reakʼ diuhe kana, ona do ińakʼ calakʼ hor reakʼ marsalge.

Sereńko 97:11

Isor botoraeko do jionre marsalko em ocokʼa, ar okoekoakʼ ontor khạṭige onkoakʼ jionre do rạskạko ńama.

Sereńko 84:1

E sanam daṛeanicʼ Probhu Isor, napaegea amakʼ tahen ṭhạ̃i do!

Sereńko 40:11

E Probhu Isor, amakʼ mãyã iń khon alom sapʼ dohoytama; amakʼ asambheṛ dulạṛ ar pạtiạr do jao ghuṛige jemone rukhiyạyiń ma;

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Sereńko 57:3

Serma khon uniyakʼ goṛo do pheḍ hijukʼkana; okoe ińko laga baṛayediń kan onkoakʼ dos reakʼ katha roroṛ do bae thirokʼa. (Sela) Isor ṭhen khon unire asambheṛ dulạṛ ar pạtiạrtetʼ do pheḍ hijukʼa.

Sereńko 3:4

Iń do ãṭ aṛaṅte Probhu Isoriń hohowae kana. Uni do acʼakʼ sonot buru khone roṛ ruạṛạńạ. (Sela)

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

1 Bõsbudạ 16:1

Probhu Isorakʼ sinduk ạgukate ona do Dạude beretʼakatʼ tạmbureko dohokeda. Ar inạ tayom do Isor samaṅre jeredokʼakʼ samaṅakʼ ar sulukren samaṅakʼko samaṅkeda.

1 Bõsbudạ 16:39

Dạud do Gibeon reakʼ koejoṅ oṛakʼre Probhu Isorakʼ ḍera tạmbu samaṅre naeke Sadok ar uni sãoten naekekoe dohoketʼkoa.

2 Samuel 15:20

Hola gem hecʼakana. Ar teheńge ale tulucʼ ṭahapʼ ṭạṭupʼ dãṛãbãṛa ocome do ṭhikakʼ baṅ hoyokʼa? Ińge bạń baḍaea iń do okateń calakʼ kana. Do ruạṛ calakʼme ar amakʼ disạmren hoṛko soṅgete idi torakom. Asambheṛ dulạṛ ar pạtiạrge ape tulucʼ baṛe tahenma.”

1 Bõsbudạ 21:29

Hahaṅkarre Mose do Probhu Isor lạgitʼ oka ḍera tạmbui benaoletʼ ona ar jeredokʼ samaṅokʼakʼ pinḍ do ona jokhecʼ Gibeon reakʼ koejoṅ oṛakʼre tahẽkana.

2 Samuel 15:25

Ado sanam hoṛko oḍoken khan Raj do Sadoke metadea, “Isorakʼ sinduk do nagrahate idi ruạṛ me. Ente Probhu Isorre dayań ńamle khan uni doe ruạṛ idiyińạ ar noa sinduk ar uniyakʼ tahen ṭhạ̃i arhõe ńel ocoyińạ.

Sereńko 57:4

Reṅgecʼ edekan dhạcri kul leka hoṛko talare iń doń giticʼ akana; onkoakʼ ḍaṭa do borlom ar sar leka, ar alaṅ do laser tarwaṛe lekage.