Sereńko 43:1 - সান্তালী বাইবেল

¹ E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.

Sereńko 43:1 Referans Kwoze

Sereńko 35:1

E Probhu Isor, okoe doko iń upạrtenkan onko upạrte amhõ teṅgonme; ar iń upạrte okoeko lạṛhạikan onko upạrte amhõ lạṛhạime.

Sereńko 26:1

E Probhu Isor, dhorom horre minạń ona baṛe udukʼ akome, ente iń do sạbit colonreń taṛameda; ar Probhu Isorregeń bhorsakʼ kana.

Sereńko 7:8

Probhu Isorge onko doe bicạrkoma. E Probhu Isor, ińakʼ dhorom kạmi ar sạriyakʼtetʼ lekage baṛe bicạrińme.

Sereńko 35:24

E Probhu, ińren Isor, dhoromte bicạrkạtińme baṛe; iń upạrte jemon aloko rạskạkʼ.

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”

Sereńko 71:4

E ińren Isor, bedhoromkoakʼ ti khon, bạṛicʼ ar haḍrap hoṛkoakʼ ti khon bańcaoińme baṛe.

Sereńko 5:6

Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.

Mikạ 7:9

Ńitokʼ do Probhu Isorakʼ edrele asen baṛayetʼkana, ente ale do uni upạrtele kại akada, menkhan mucạtʼre uni doe ale sejokʼa ar aleakʼ ạidạriye teṅgoalea. Uni do marsalteye oḍok ạgulea ar ale do uniyakʼ dhorom reakʼ bicạrle ńela.

1 Patras 2:23

Hoṛko tinre uniko henostawadea unre uni do onko bae henostawatʼkoa, ar duk jom jokhecʼ hala ruạṛako lạgitʼ botor hõ bae udukʼatʼkoa, bickom acʼ do dhorom bicạricʼ ṭhengeye jimạyena.

1 Korinthiko 4:4

Ińakʼ bibek do saphagea, menkhan onate noa do baṅ sạbudokʼ kana, iń doń dhoromgea. Probhu Isorge ińakʼe bicạrtińạ.

Kạhtukko 23:11

ente onkoren chakʼḍaoicʼ doe daṛeangea; unige am upạrte onkoakʼ mamblae calaoa.

Kạhtukko 22:23

Ente Probhu Isor do mamblareye onko sejokʼa, ar okoe onkoakʼ jiniskoko recʼ ạguakatʼ uni do onkoakʼ jiwiye hataotakoa.

Sereńko 75:7

Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

2 Samuel 16:20

Absalom do Ahitophele metadea, “Ńitokʼ do cetʼ bo cekaea? Am do cetʼ solham emkińạ?

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

2 Samuel 18:8

Unre lạṛhại do goṭa ṭoṭha pasnao idiyena ar lạṛhạite tinạkʼ hoṛ bako gocʼlen ona khon ḍher do bir iạteko gocʼena.

Sereńko 7:7

Sanam jạtren hoṛ do am beṛhaeteko jarwakʼma; am do sermate ruạṛ senkate onko cetanre rajokʼme.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Sereńko 54:3

Eṭakʼ jạtren hoṛko do iń upạrteko teṅgo akana; Sasantaoko do ińakʼ jiwi marao lạgitʼko kurumuṭu kana; noko hoṛ do Isor bako botoraea. (Sela)

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.