Sereńko 42:4 - সান্তালী বাইবেল

⁴ Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 42:4 Referans Kwoze

Jesaea 30:29

Ar ape do sonot porob ńindạpe manaoetʼ lekape sereńa. Ar hoṛko do tinre tiriạwante Probhu Isorakʼ burure rakapʼkate Israel reakʼ asray buru ṭhenko hijukʼa ar unre cetʼleka rạskạ hoyokʼ onkage apeakʼ ontor hõ rạskạkʼtapea.

Sereńko 122:1

Iń doń rạskạyena tinre hoṛkoko metadińạ, “Dela bon, Probhu Isorakʼ oṛakʼte bon calakʼa.”

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Nạhum 1:15

Okoeṭakʼ hoṛ bhage sombate ạguyetʼkan ar suluk reakʼe roṛetʼkan, ma ńelme uniyakʼ jaṅga do buru cetanre menakʼtaea. E Jihudạ, amakʼ porobko palonme ar okaṭakʼ manotem dohoakatʼ ona purạume. Dusṭạmi hoṛ do ar bako akromonmea; onko doko marao ocokʼa.

Sereńko 100:4

Uni sarhao sereńaete uniyakʼ duạrte bolokʼpe, ar uni gun manao joharae tulucʼ uniyakʼ racate bolokʼpe; uni sarhaoepe, ar gun manao joharaepe.

Sereńko 55:14

Alaṅ talare khạndri helmel tahẽkana; Isorakʼ oṛakʼre sewako soṅgekate alaṅ do mitʼ sãote laṅ calakʼkan tahẽkana.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Rak̕joṅ 2:19

Beretʼme, ar ńindạ reakʼ mimitʼ oktere ragme; Probhu Isor samaṅre amakʼ mon do dakʼ leka dul oḍoktam. Amren gidrạko okoe do reṅgecʼte kulhi reakʼ dobạṭiạkore acetko giticʼ akan, onkoakʼ jiwi bańcao lạgitʼ uni ńutumte amakʼ ti tultam.

Jobakʼ 29:2

“Ohae, Isor do tinreye ńeleńkan tahẽkana onako cando ar dinkoń ńam ruạṛle khan!

2 Bõsbudạ 7:10

Ar eae cando reakʼ bargel pe din hilokʼre raj do hoṛko nij nij oṛakʼteye kolkatʼkoa. Dạud, Solomon ar uniren hoṛ Israelko cetanre Probhu Isor do okae bhạlại akatʼko onate rạskạte ar kusi monte oṛakʼteko ruạṛ calaoena.

Rut reakʼ kạhini 1:21

Ale do jhaṅgoe paṭoele senlena menkhan Probhu Isor do eken tiye ruạṛ ạgukedeńạ. Probhu Isor do tinre iń upạrte gohae emeda ar sanam daṛean Isor do tinre kosṭoreye paṛao akadińạ unre cedakʼ Naomi dope hohoạń kana.?”

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Rak̕joṅ 4:1

Hae! cetʼleka mạlchạ akana sona do, Cetʼ leka pherao akana nirạ sona do. Mitʼke mitʼ kulhi reakʼ dobạṭiạkore sonot ṭhạ̃i reakʼ dhiriko do cetʼ leka chirchạtur akana.

2 Rapajko 18:30

Hiskiạ do nonka menkate Probhu Isorre aloe bhorsa ocope ma, ‘Probhu Isor do khạṭige apeye bańcaopea; ar niạ nagraha do Ạsurren rajakʼ tire bae jimạkakʼa.’

2 Rapajko 18:32

Ona tayom hecʼkate apeakʼ nij disạm leka ar mitʼ disạmteń idipea. Ona disạm do hoyokʼkana anaj ar nãwã darkha rasa ạtukʼ disạm, piṭhạ ar darkha bagwan reakʼ disạm, jạitun ar dumur rasa reakʼ disạmtege. Ar ińakʼ katha lekape kạmi enḍekhan ape do bape gujukʼa bickom jiwetʼpe tahena. ‘Hiskiạ tinreye mena Probhu Isor do apeye rukhiyạpea, unre uniyakʼ katha do alope ańjomtaea, ente ona katha menkate uni doe ạnḍicʼetʼpea.

Sereńko 79:10

Eṭakʼ jạtrenko do cedakʼko mena, “Okateye calaoena onkoren Isor do?” Onko do ale samaṅrege baḍae ocokom, amren golamkoakʼ mãyãm reakʼ dom hala ruạṛgea mente.

Sereńko 80:6

Am dom nonka akada jemon aḍepase jạtrenko ale iạteko tapam arko jhogṛakʼ. Aleren bạiriko do ale iạte ako talareko landa joṅkana.

Sereńko 115:2

Eṭakʼ jạtrenko do cedakʼko mena, “Okare menaea onkoren Isor do?”

Sereńko 122:8

Ińren boeha ar gatekoakʼ bhạlại lạgitʼge iń doń mena, Jerusalemre suluk tahen ma.”

Jeheskel 46:10

Bhitrite bolokʼ jokhecʼ disạm cakʼlaoyicʼ do hoṛko sãote bhitrite bolokʼ hoyokʼtaea ar bahrete oḍokokʼ jokhecʼ hõ hoṛko sãotege oḍok hijukʼ hoyokʼtaea.

Joel 2:17

Okoe Probhu Isor samaṅre sekʼwa kạmiko kạmikan onko naeke do koejoṅ oṛakʼ pinḍạ ar pinḍ talareko rakʼjoṅma. Onko doko menma, “E Probhu Isor amren hoṛko dayawakome. Amakʼ sompotti do landa dhutʼakʼ alom hoeocoya, ar jạt jạtrenko talare kạhtukko hõ alom hoyocokoa. Eṭakʼ jạtren hoṛ do cedakʼko mena, ‘onkoren Isor doe okayena?’ ”