Sereńko 41:10 - সান্তালী বাইবেল

¹⁰ Menkhan am do, E Probhu Isor, ińre dayakʼme; ar rakabińme, jemon onko cetanreń hala ruạr daṛeakʼ.

Sereńko 41:10 Referans Kwoze

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

2 Samuel 15:12

Samaṅokʼakʼ samaṅ jokhecʼ Absalom do Dạudren sosolhayicʼ Gili nagraha khon Ahitophel hoho ạguiye lạgitʼ hoṛkoe kolketʼkoa. Nonkate soṛojontro do arhõ diṛho idiyena, ente disom hoṛko do Absalom ṭhenko saṅge idiyena.

Jobakʼ 19:19

Ińren sanam gateko do ińko hirkhạwạń kana; ar ińiń dulạṛetʼko tahẽkan hoṛ hõ iń upạrteko teṅgonkana.

Sereńko 55:13

Menkhan ona dom onka akada, iń tur hoṛge, ińakʼ ontorren gate, ińren bhage gatege.

Sereńko 55:14

Alaṅ talare khạndri helmel tahẽkana; Isorakʼ oṛakʼre sewako soṅgekate alaṅ do mitʼ sãote laṅ calakʼkan tahẽkana.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Obodiạ 1:7

Amren sanam gate-rajosṭiko hõ amren ńir pharakokʼkan hoṛko akoakʼ simạna talate bako bolo ocoakoa. Ar amren gate hõ amko ṭhokamea ar ako secʼko or ạgumea; okoe amakʼko jometʼkan tahẽkan onko do am lạgitʼ jhãmpako oḍaoa, menkhan am do cetʼge bam bujhạu daṛeakʼa.”