Sereńko 40:8 - সান্তালী বাইবেল

⁸ E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Sereńko 40:8 Referans Kwoze

Romiko lạgitʼ Pạul Apostolakʼ ciṭhi 7:22

Ińakʼ ontor do Isorakʼ ạn-ạrikoteye rạskạkʼ kana;

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Sereńko 119:16

Amakʼ ạnrege rạskạ doń ńameda; ar amakʼ katha do bạń hiṛiń daṛeakʼ kana.

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Sereńko 119:24

Amakʼ kathage ińakʼ rạskạ do; onako do solhae imạń kana.

Sereńko 119:47

Amakʼ sanam hukumkoń pańjaere iń doń rạskạkʼ kana, ente onakoń dulạṛeda.

Sereńko 119:92

Amakʼ jotowakʼ hukumre rạskạ bạń ńamle khan, iń do dukteń marao cabakokʼa.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.