Sereńko 4:1 - সান্তালী বাইবেল

¹ E ińren Isor, amakʼ sana lekań calakʼkan ona dom udukʼ akawạdińa; ar amiń hohowamre roṛ ruạṛạńme baṛe. Iń do muhinteń esetʼ akana, menkhan am do sahẽtʼ reakʼ bhạgem emakawạdińạ. Dayawạńme, ar ińakʼ koejoṅ baṛe ańjomtińme.

Sereńko 4:1 Referans Kwoze

2 Korinthiko 1:10

Uni do maraṅ gujukʼ khone rukhiyạketʼlea ar ńit hõe rukhiyạ idiyetʼlea. Ale do unire noa asle dohoyeda je, uni do jao ghuṛigeye rukhiyạlea.

Sereńko 119:132

Okoe amko dulạṛme onkore cetʼlekam tahenkan, onkage iń secʼ ạcurokʼme ar iń dayawạńme.

Sereńko 25:16

Iń secʼ ạcurokʼme ar dayawạńme, ente iń do eskar ariń bạpuṛicʼgea.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Sereńko 17:6

E Isor, amiń hohowamre ańjomtińme, ar onategeń hohoam kana; ińakʼ katha luturakʼtińme, ar ińakʼ koejoṅ ańjomtińme.

Habakkuk 3:19

Probhu Isorge ińren daṛe do; uni do jel eṅgawakʼ jaṅga leka ińakʼ jaṅgae hoyocoketʼtińạ ar usul usul ṭhạ̃ite calakʼ reakʼ daṛegeye emạńkana. Sereń cakʼlaoko lạgitʼ tumạlakʼ. Ińakʼ hukum lekate taranakʼ bajnako sãote sereń hoyokʼa.

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Sereńko 143:2

Iń amren golam do alom bicạrińạ, ente amakʼ mẽtʼãhã samaṅre sanam jiwiyankoge dhorom doko baṅkana.

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Sereńko 45:1

Ińakʼ ontor do bhage kathate cepel cepelokʼ kana; ar raj õnõṛhẽye lạgitʼ ińakʼ kobita do oḍokʼakana; ińakʼ alaṅ do cogoṛ olokʼicʼ akʼ kolom hoyakana.

Sereńko 22:1

E ińren, Isor E ińren Isor, cedakʼem bạgi giḍiwạdińa? Iń rukhiyạyiń baṅkate, ińakʼ rakʼ koejoṅ ańjom baṅkate, cedakʼem pharak akana?

1 Samuel 17:37

Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

2 Korinthiko 1:8

Ạsiạ Prodesre ale do oka santaorele paṛaolen, asjoṅ kanale ape hõ ona jemonpe baḍae daṛeakʼ. Onḍe do sahao daṛeakʼ khon hõ bạ̃ṛti caprele paṛaolena, ar bańcaokʼ reakʼ asge baṅ tahẽkantalea.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Sereńko 76:1

Jihudạ rajosṭiren sanamkoge Isorakʼ kathako baḍaea; Israelkoakʼ rajosṭire uniyakʼ ńutum do maraṅokʼtaea.

Sereńko 67:1

E Isor, dayawaleme ar bhoraleme baṛe; amakʼ daya do marsal leka alere paṛaokʼma; (Sela)

Sereńko 42:1

Jel hopon dakʼ lạgitʼ cetʼlekae ahkaokʼ kan, onkage E Isor, ińakʼ jiwi do am lạgitʼ ahkaokʼ kantińạ.

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

Sereńko 24:5

Uni do Probhu Isor ṭhen khon bhore ńama; ente uni do uniyakʼ sana lekae calakʼ kana ar uniren babańcaoicʼ Isor do onae udukʼaea.

Sereńko 11:7

Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.

Sereńko 116:16

E Probhu Isor, sạrige iń do amren golam kạnạń, amren golamge, ar amren kạ̃ṛmĩren gidrạge; amge ińakʼ tonolem raṛa akatʼtińạ.

Sereńko 116:6

Probhu Isor do sojhe monan hoṛkoe rukhiyạyetʼkoa; iń do asokʼ ṭayokʼreń paṛaolena menkhan unigeye bańcaokedińa.

Sereńko 56:1

E Isor, dayawạńme baṛe, ente hoṛko do ińko laga baṛayediń kana. Ar jao ghuṛi lạṛhại iạteko kosṭoyediń kana.

Sereńko 41:12

Ińakʼ dhorom iạte am dom esetʼ ạcur akadińạ; am do jaejug lạgitʼ am samaṅrem doho akadińạ.

Sereńko 6:1

E Probhu Isor, edrete alom egerińạ; ar bekusi iạte hõ alom ḍanṭaoińạ.

Jobakʼ 36:16

“Uni do kosṭo tala khon oḍok ạgumeye khojkana; ar nonkan phaelao ṭhạ̃iteye idimea okare jãhãn tạkicʼakʼge baṅ tahen. Onḍe amakʼ ṭebil do bhage bhage jomakʼte perecʼ tahena.