Sereńko 39:9 - সান্তালী বাইবেল

⁹ Iń do thir hapege minạńa, moca do ar bạń cahabtińạ, ente amge noako dom hoyocoakada.

Sereńko 39:9 Referans Kwoze

Jobakʼ 2:10

Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

2 Samuel 16:10

Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

Jobakʼ 1:21

“Eṅgatakʼ lacʼ khon iń do uluṅgeń hecʼlena ar uluṅgeń calakʼa. Probhu Isorgeye emadiń tahẽkana ar Probhu Isorgeye idiketʼkoa; Probhu Isorakʼge sarhao hoyokʼtaema.”

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Sereńko 38:13

Iń doń kala akana, ar cetʼge bạń ańjomeda; ariń guṅgạ akana, ar cetʼge bạń roṛ daṛeakʼ kana.

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”

Levitikus 10:3

Unre Mose do Arone metadea, “Probhu Isore meneda, ‘okoe iń ṭhenko hijukʼ onko do sonot mente jemonko manaoiń. Ar sanam hoṛko samaṅre jemon iń ṭhonokokʼ.’ ” Ar Aron do hapegeye tahẽyena.