Sereńko 39:12 - সান্তালী বাইবেল

¹² E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Sereńko 39:12 Referans Kwoze

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

Ibriko 11:13

Noko hoṛko do pạtiạu talate jion khemaokateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Sereńko 119:19

Iń do dhạrtire girobas akan mitʼṭen porjạt hoṛ kạnạń; amakʼ hukum do iń khon alom danaṅ dohokakʼa.

Levitikus 25:23

“Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Sereńko 56:8

Tinạkʼ dhaoiń ńir baṛa akatʼ ona mam baḍaege; ińakʼ mẽtʼ reakʼ mẽtʼ dakʼte amakʼ kupi perejtam. Noako do cetʼ amakʼ puthire ol bạnukʼa.

1 Bõsbudạ 29:15

Ale do amakʼ mẽtʼre aleren sanam hapṛamko leka bidisiạ hoṛ kanale. Dhạrtire aleakʼ dinko do umul leka, aleakʼ do jãhãn asge bạnukʼtalea.

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Sereńko 116:3

Gujukʼ reakʼ baberte iń do toliń tahẽkana, ar patal puri reakʼ jaljalaokʼreń paṛaolena; iń do duk ar kosṭoreń tahẽkana.

Jobakʼ 16:20

Okoe iń secʼ menae uni do ińren gate kanae, ar Isor ṭhen iń do mẽtʼ dakʼ iń joroyetʼtińạ.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

2 Korinthiko 5:6

Onate aboakʼ dil do tishõ baṅ ṭonṭakʼkan tabona, arbon bujhạu daṛeakʼ kana, niạ hoṛmo kumbạ oṛakʼre tinạkʼ din bon tahen unạkʼ din Probhu Isor khon sạṅgińre bon tahenkana.

Sereńko 102:1

E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Sereńko 119:54

Iń do tinạkʼ din noa dhạrtiren hoṛiń hoyakan unạkʼ din amakʼ ạnkoge ińakʼ sereń do hoyokʼa.

Genesis 21:34

Abraham do Philistikoakʼ disạmre ḍher dine tahẽyena.

Jobakʼ 13:28

“Manwa do sea jinis lekae garao cabakʼkana ar tejoko jomakatʼ kicricʼ lekae hoyakana.

Sereńko 90:9

Amakʼ botoranakʼ edre talate aleakʼ din do parom calakʼkana; ar sahẽtʼ lekage aleakʼ bochorko hõ caba hijukʼ kana.