Sereńko 39:11 - সান্তালী বাইবেল

¹¹ Kại iạte tinre manwako keṭecʼ kathatem ḍanṭaoetʼkoa, unre jạrdi leka onkoakʼ saj dom nosṭoyetʼtakoa; ente manwa do ekenko michạgea. (Sela)

Sereńko 39:11 Referans Kwoze

Jobakʼ 13:28

“Manwa do sea jinis lekae garao cabakʼkana ar tejoko jomakatʼ kicricʼ lekae hoyakana.

Jesaea 50:9

Probhu Isor do ińe goṛowạń kana, onate okoeye dusikińạ? Onko sanamkoge kicricʼ lekako mare cabakʼa; ar tejoko do onkoko jomkoa.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Ibriko 12:6

Ente Probhu Isor do okoeye dulạṛe, unigeye ḍanṭaoea, ar gidrạ mente okoekoe aṅgocko, onko mitʼke mitʼ doe sạjạikoa.

1 Korinthiko 5:5

unre uni hoṛ do Soetan tire jimạkae hoyokʼa, jemon uniyakʼ hoṛmo ḍahao maraokʼtae menkhan Jiu do Probhu Jisuakʼ hijukʼ dinre bańcaoe ńam.

2 Patras 2:16

menkhan acʼakʼ bạṛicʼ kạmi iạte uni do mitʼṭen abola gadha ṭhene dhomkao ocolena. Uni gadha do manwa leka kathae roṛketʼte uniyakʼ koṅkatetʼe akoṭletʼtaea.

Hosea 5:12

Ephrayimko ṭhen do tejo leka ar Jihudạren hoṛko ṭhen do heṛ akan jinis lekageń hoyakana.

Jobakʼ 30:30

Ińakʼ harta do chaḍaokʼ ńurokʼkantińạ; ar jaṅ do lolote khạurạ akantińạ.

Jobakʼ 4:19

tobe okoe hasa oṛakʼreko tahenkan onkoakʼ rehetʼtetʼ do dhuṛi kana, tejoko leka okoeko lebetʼ gańjao ocokʼkan, onko do Isorakʼ mẽtʼãhãre artetʼge dusiko hoyokʼa!

Jobakʼ 9:34

jodi jãhãe nonkae tahen khan okoe do Isorakʼ sạjại iń khone ocokʼ daṛeakʼ, jemon uniyakʼ botoranakʼ edre aloe botor ocoyiń.