21 E Probhu Isor, am do alom bạgi giḍiwạńạ; E ińren Isor, iń khon pharakre alom tahena.
Menkhan E Probhu Isor, am do alom pharakokʼa; E ińakʼ daṛe, iń goṛowạń lạgitʼ ma usạrate hijukʼme.
Nacaricʼ reakʼ nacartetʼ do bae nihạ̃t giḍiya; Uni secʼ acʼakʼ mẽtʼãhã do bae betʼ dohokakʼa, bickom uniyakʼ rakʼjoṅakʼe ańjomketʼtaea.
Am do iń khon pharakre alom tahena, ente ińakʼ muhin do sor hijukʼ kana, iń goṛowạń lạgitʼ do celege bạnukʼkoa.
E ińren, Isor E ińren Isor, cedakʼem bạgi giḍiwạdińa? Iń rukhiyạyiń baṅkate, ińakʼ rakʼ koejoṅ ańjom baṅkate, cedakʼem pharak akana?
Bhạlại bodol onko do bạṛicʼakʼko halawạń kana; Hae, iń okoḍa do!