Sereńko 38:1 - সান্তালী বাইবেল

¹ E Probhu Isor, edrete alom ruhedińạ, ar raṅgao khạtirte alom ḍanṭaoińạ;

Sereńko 38:1 Referans Kwoze

Sereńko 6:1

E Probhu Isor, edrete alom egerińạ; ar bekusi iạte hõ alom ḍanṭaoińạ.

Jesaea 54:8

Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Jirimiạ 30:11

Am são sãotege minạńa ar iń do amgeń bańcaomea. Okoe jạtrenko talare amiń chirchạturletʼme onko doń marao utạrkoa, menkhan apeko do purạte do baṅa. Menkhan begor sạjạite hõ bạń aṛakʼpea, iń do dhoromte bicạrkateń ḍanṭaopea.”

Sereńko 70:1

E Isor, bańcaoińme; E Probhu, goṛowạń lạgitʼ dela usạrate hijukʼme.

Jirimiạ 10:24

E Probhu Isor, eken dhorom bicạrte baṛe sudhrạuiń me, menkhan amakʼ edrete ona do alom onkaea, arem onkae khan iń doń caba utạrokʼa.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Jesaea 27:8

Uni do bicạrkateye oḍok giḍi akadea, menkhan bạ̃ṛti sạjại do bae em akawadea; purub reakʼ hoe leka uni doe oṭaṅ idiakadea.

Sereńko 88:7

Amakʼ edre do iń cetanre menakʼa; amakʼ sanam edre reakʼ ḍheote am do ińem tạpukʼ edeńkana. (Sela)

Dosar Biboron 9:19

Iń do Probhu Isorakʼ edre iạteń botorena, ente marao giḍikape leka uni doe edre seṅgellena. Menkhan niạ dhao hõ Probhu Isor do ińakʼ kathae ańjomkeda.