Sereńko 37:4 - সান্তালী বাইবেল

⁴ Probhu Isor iạte hulạsokʼme; amakʼ mon reakʼ sana do unigeye purạutama.

Sereńko 37:4 Referans Kwoze

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Jesaea 58:14

enḍekhan ape do ińregepe rạskạjoṅa ar dhạrti reakʼ sanam usulako cetanre ạidạriń emapea. Ona chaḍa aperen baba Jakobakʼ ạidạri hõń emapea. Iń Probhu Isorge niạ katha doń meneda.”

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Jobakʼ 22:26

Unre sanam daṛeanicʼ iạte sạrigem rạskạkʼa ar amakʼ mẽtʼãhã do Isor secʼem rakabtama.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Sereńko 104:34

Ińakʼ sanam ganḍonjoṅakʼ do jemon sebele bujhạu; iń do Probhu Isorregeń rạskạkʼ kana.

Jobakʼ 27:10

Onko do cetʼ sanam daṛeanicʼ iạteko rạskạkʼa? Onko do cetʼ jaoge Isorko hohoaekana?

Sereńko 43:4

jemon iń do Isorakʼ pinḍ ṭheniń sor daṛeakʼ. Unige ińren rạskạ ar suk do. E Isor, E ińren Isor, Iń do taranakʼ banamte amiń õṛhẽ sereńama.

Soros sereń 2:3

Bir dareko talare apel dare cetʼleka, onkage juạnko talare ińren dulạṛiạ hõ. Uniyakʼ umulre duṛupʼkateń rạskạkʼ kana, ar uniyakʼ jo do heṛemgea ińakʼ mocare.

Jobakʼ 34:9

Uni doe meneda, ‘Isor kusi ocoye do manwa lạgitʼ jãhãn labge bạnukʼa.’

Kạhtukko 10:24

Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.