Sereńko 37:34 - সান্তালী বাইবেল

³⁴ Probhu Isorre as doho joṅme, ar uniyakʼ horte taṛamme; uni doe maraṅmea ar am do disạmem ạidạrijoṅa. Ar bạṛicʼ hoṛko maraolenre hõ am dom ńelkoa.

Sereńko 37:34 Referans Kwoze

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Kạhtukko 20:22

Alom mena, “Noa behok reakʼ iń hala ruạṛa.” Probhu Isor lạgitʼ koyokʼ horme, uni do ona muhin khone rukhiyạmea.

Sereńko 37:9

Bạṛicʼ hoṛ doko marao ocokʼa, menkhan Probhu Isorre okoeko bhorsakʼ kan onko do disạmko ạidạri joṅa.

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

Sereńko 37:7

Probhu Isor samaṅre thir hape akan tahenme; ar uni ńel horre tahenme. Apnarakʼ kạmi purạu lạgitʼ okoe do bạṛicʼakʼko kạmire acʼakʼ mone lagaoetʼ, uni iạte am do alom jal jalaokʼa.

1 Patras 5:6

Onate Isorakʼ ektiạri samaṅre apnartetʼ copodokʼpe, jemon ṭhik oktere uni doe usulpe.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Sereńko 91:8

Bedhorom hoṛko cetʼleka kuṛạiko ńam ona do eken mẽtʼtem ńela.

Sereńko 37:3

Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Dosar Biboron 5:33

Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.

Sereńko 25:13

Uni do sulukte acʼakʼ jione khemaoa, ar uniren bõsko do disạmre ạidạriko ńama.

Sereńko 92:12

Dhorom hoṛ do khijur dare lekae ḍagḍagaokʼa; uni do Lebanon reakʼ debdạru dare lekae hara rakapʼa.

Sereńko 112:8

Uniyakʼ mon do diṛhogete bae botorokʼ kana; sesre uni do acʼren bạirikoakʼ bhagaoe ńela.

Kạhtukko 29:16

Bedhoromkoko saṅge len khan kại do ḍher idikʼa, menkhan dhorom hoṛ do onkoakʼ jarkharokʼko ńela.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”