Sereńko 37:3 - সান্তালী বাইবেল

³ Probhu Isorre biswạs dohoyme ar bhageakʼ kạmime; amakʼ disạmrege tahenme, ar pạtiạrte taṛamme.

Sereńko 37:3 Referans Kwoze

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Luk 22:35

Ona tayom Jisu do acʼren celakoe metatʼkoa, “Ṭaka reakʼ thạilạkʼ, khuti ar panahi chaḍań koletʼpere cetʼ jãhãnakʼtepe ṭonṭa emanlena?” Celakoko menkeda, “Cetʼte hõ baṅa.”

Sereńko 4:5

Lek lekan dãṛẽko samaṅkope, ar Probhu Isorre bhorsa akae tahenpe.

Sereńko 26:1

E Probhu Isor, dhorom horre minạń ona baṛe udukʼ akome, ente iń do sạbit colonreń taṛameda; ar Probhu Isorregeń bhorsakʼ kana.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Sereńko 33:19

jemon moron khon onkoakʼ jiwi rukhiyạkʼtako ar akalre jiwetʼe doho daṛeako.

Genesis 26:2

Unre Probhu Isor do Isahak ṭhen ńel ocoyenteye menkeda, “Misorte do alom calakʼa. Ar okaṭakʼ disạm reakʼ kathań lạiyam ona disạmrege tahenme.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

Jesaea 40:11

Uni do gukʼpiko leka acʼren bhiḍikoe gupikoa, bhiḍi hoponkoe hobor samṭaokoa ar hoborkateye idikoa, hopon menakʼkotako eṅga do bại bạiteye sotokʼ idikoa.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

1 Rapajko 19:6

Uni doe beṅgetʼketʼ khan acʼakʼ bohokʼ secʼre dhipạu akan dhirire rapakʼ akatʼ mitʼṭecʼ piṭhạ ar cukạkʼre dakʼe ńel ńamkeda. Ar ona jom baṛakate uni do arhõe giticʼ ruạṛena.

Kạhtukko 3:5

Amakʼ goṭa ontorte Probhu Isorre bhorsa akae tahenme; ar amakʼ bujre do alom bhorsakʼa.