Sereńko 37:23 - সান্তালী বাইবেল

²³ Probhu Isorge daṛean hoṛkoakʼ calakʼ hore ṭhikakoa; ar onkoakʼ jion ńelte uni doe kusikʼa.

Sereńko 37:23 Referans Kwoze

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

Sereńko 119:133

Amakʼ katha leka ṭhik horte calakʼ lạgitʼ am do ińakʼ jaṅgam kajaketʼtińạ; jãhãn behokakʼ jemon ińre aloe raj daṛeakʼ.

Kạhtukko 4:26

Amakʼ jaṅgakin reakʼ ḍahar moneyakʼme, inạ khan amakʼ sanam horko do kajakokʼtama.

Sereńko 40:2

Uni doe rakapʼ ạgukedińa sasette perecʼ khạnduṛuṅ khon dalahe losotʼ reakʼ ghaḍlakʼ khonge. Uni do dhiri cetanreye teṅgokedińa ar keṭecʼ hasa cetanreye taṛam ocokedińa.

Sereńko 121:8

Probhu Isor do din hilokʼe horho jaṅgemea, ńit khon jaejug hạbicʼge.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Sereńko 85:13

Bedhorom do uni laha lahateye calakʼa; ar uniyakʼ taṛam lạgitʼ hore benao idiya.

Jirimiạ 10:23

E Probhu Isor, ińiń baḍaea manwawakʼ jion hor acʼ apnarakʼ do baṅkana; uniyakʼ jaṅga reakʼ dhap lạgitʼ hukum hõ uniyakʼ kạmi do baṅkana.

Sereńko 121:3

Uni do amakʼ jaṅga bae leńjetʼ ocoytama; amren horhoyicʼ do baṅ dudṛumea.

Sereńko 17:5

Amakʼ horrege ińakʼ jaṅgań teṅgo keṭecʼ akatʼtińạ; onḍe khon ińakʼ jaṅga do baṅ ḍikạ ḍake akana.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Sereńko 119:5

Ohae! Amakʼ ạn leka calakʼ lạgitʼ ińakʼ monre diṛho akae jemoniń tahen.

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Kạhtukko 11:20

Okoekoakʼ ontor peṛtage Probhu Isor do onkoe kurudako kana, menkhan khạṭi jion khemaoko cetanre doe kusikʼkana.

1 Samuel 29:10

Onate am ar amren mạlikren okoeko hoṛ am soṅgeteko hecʼakan ape do gapa setakʼre beretʼkate marsalokʼ são sãote oḍokʼ calakʼpe.”

Sereńko 40:3

Uni do ińakʼ mocare nãwã sereńe emadińạ, aboren Isorakʼ sarhaoakʼ sereńge. Ḍher hoṛkoakʼ mẽtʼrege ona do paṛaokʼa ar monre botor hecʼakoa; onko do Probhu Isorreko bhorsakʼa.