Sereńko 37:21 - সান্তালী বাইবেল

²¹ Bạṛicʼko do pańcako hataoa ar bako hala ruạṛa, menkhan Isor botoraeko do daya arko emokʼa.

Sereńko 37:21 Referans Kwoze

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Kạhtukko 22:7

Kisạ̃ṛ hoṛ do nacarko cetanre mạlikiye calaoeda, ar rin jom hoṛ do emokʼicʼren golame hoyokʼa.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Dosar Biboron 28:12

“Apeakʼ disạmre okte nạpitre dakʼkoe kolte apeakʼ sanamakʼ kạmiko lạgitʼ Probhu Isor do acʼakʼ murại khon, metakʼme sermae jhicʼapea. Onate aema jạtrenko rinpe emakoa, menkhan ape do okoe ṭhen khon hõ rin bape hataoa.

Luk 6:30

Okoe am ṭhenko koe onko do emakom. Ar jãhãe amakʼ jãhãn jinise idile khan ona do alom koe ruạṛea.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Jesaea 32:8

Menkhan bhage hoṛ do bhageakʼe goṭaea ar acʼakʼ bhage kạmirege lạgiạ paṛao akane tahena.