Sereńko 37:14 - সান্তালী বাইবেল

¹⁴ Dukokʼko ar ṭonṭakʼkanko maraoko lạgitʼ, ar dhorom horte calakʼkan hoṛko gocʼko lạgitʼ, onko bạṛicʼ hoṛko do tarwaṛeko bocʼetʼtakoa ar akʼ ko gakʼ akatʼtakoa.

Sereńko 37:14 Referans Kwoze

Kạhtukko 29:27

Dhorom hoṛ do behoketʼ hoṛko hirkhạ mẽtʼteko ńelkoa, ar sojhe horte calakʼ hoṛ do bedhorom hoṛko hirkhạwaea.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

Sereńko 11:2

Cedakʼpe meneda, “Ontorre okoeko khạṭige ńut khon onko tuńko lạgitʼ bedhorom hoṛko do akoakʼ akʼko gakʼ akatʼtakoa ar onare sarko lagao ṭhik akada?”

Aposkạmi 12:11

Unre Patras do disạ ạcurenteye menkeda, “Ńitokʼ do sạrigeń bujhạu daṛeakʼ kana, Probhu Isorge acʼren goḍete kolkedete Herodakʼ ti ar Jihudikoakʼ sanam bạṛicʼ phorphundi khone bańcao akadińạ.”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Kạhtukko 29:10

Khũniạhi hoṛ do bin dusạn hoṛko kurudaea ar soṛa monan hoṛ do goje lạgitʼko kurumuṭuiya.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

1 Samuel 24:17

Uni do Dạude metadea, “Aben do ạliń khon hõ ḍher ben dhoromgea, ente ạliń do aben tulucʼ ḍher bạṛicʼ liń beohar akatʼre hõ aben do bhage ben beohar akada.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Ester 5:14

Unre acʼren bạhu Seres ar acʼren sanam gatekoko metadea, “Am do mõṛẽgel moka usul mitʼṭecʼ pạsi kaṭ benaome ar setakʼre rajakʼ hukum hataokate onare Mordekai pạsiye reakʼ bebostaeme. Ona tayom kusi monte raj sãote bhojre seledokʼme.” Niạ katha Haman do ạḍi bhageye metatʼa ar uni do ona pạsikaṭe benao ocokeda.