Sereńko 37:10 - সান্তালী বাইবেল

¹⁰ Ar thoṛa ghạṛicʼ khange bạṛicʼko doko marao utạrokʼa; ar ńam baṛalekore hõ onko do bako sendra ńamokʼa.

Sereńko 37:10 Referans Kwoze

Jobakʼ 24:24

Onko do thoṛa ghạṛicʼ lạgitʼko usulokʼ kana, ar ona tayom do bako ṭarhaokʼkana. Onko doko copotʼ ocokʼa, ar ghãs lekako tolmojokʼa, ar phosol reakʼ gele lekako copeyakʼa.

1 Patras 4:7

Nitokʼ do sanamakʼ reakʼ mucạtʼ okteko seṭer akana. Onate apeakʼ mon do kajak akae dohoytape ar apnarte sambṛaokʼpe jemonpe koejoṅ.

Sereńko 103:16

Baha cetanteye hoe lekhan baha do baṅ tahena; ar okareye bahalen onḍe hõ uni do bako disạyea.

Sereńko 52:5

Menkhan Isor do jaejug lạgitʼe marao giḍikama; uni do ame or ạgumea, amakʼ tạmbu khone chingạu ạgumea, ar jiwetʼkoakʼ disạm khone or totʼ giḍikama. (Sela)

Jobakʼ 7:10

Uni do acʼakʼ oṛakʼte ar bae ruạṛ hijukʼa; acʼakʼ jaegare hõ uni do bako disạyea.

Sereńko 49:10

Ạkilan hoṛ hõko gujukʼ ona do sanam hoṛgeko baḍaea; okoeyakʼ bibek bạnukʼtako ar okoeyakʼ ontor goṛdhogetako onko do nonkageko maraokʼa; ar akoakʼ dhon do eṭakʼko lạgitʼko doho oṭokakʼa.

Jobakʼ 14:10

Menkhan manwae gocʼlen khan uni doe caba utạrokʼa; ar sahẽtʼ oḍokokʼ tayom do okateye calakʼ kana?

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

2 Rapajko 9:25

Unre Jihu do acʼ sãoten subedar Bidkare metadea, “Ma kuṭuṅ idiyem ar Jisreyelren Nabatakʼ jumire giḍikaeme. Disạime, uniren apat Ahab tayomte rãt gạḍite laṅ calakʼkan tahẽkanre Probhu Isor do Ahab upạrte niạ kathae menleda,

Jobakʼ 20:5

dusṭạmikoakʼ hulạs joṅ do thoṛa ghạṛi lạgitʼ kana. Ar bedhoromkoakʼ rạskạ do eken mitʼ ripitʼ lạgitʼ kana;

Kạhtukko 14:11

Bạṛicʼkoakʼ oṛakʼ do jarkharokʼtakoa, menkhan dhorom hoṛkoakʼ tạmbu do arhõ lạṭu idikʼa.