Sereńko 36:9 - সান্তালী বাইবেল

⁹ Am do jion reakʼ marsal kanam; amakʼ marsaltege ale dole marsalena.

Sereńko 36:9 Referans Kwoze

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jesaea 60:19

Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Jobakʼ 29:3

Ińakʼ bohokʼ cetanre uniyakʼ diuhe do jolokʼkan tahẽkana, uniyakʼ marsalte iń do unre ńutreń dãṛãnkan tahẽkana.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.