Sereńko 36:7 - সান্তালী বাইবেল

⁷ E Isor, amakʼ asambheṛ dulạṛ reakʼ dam do ohoge emlena; ar amakʼ phạ̃kṛạ̃kʼ umulre manwa do hirlạko ńama.

Sereńko 36:7 Referans Kwoze

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Sereńko 91:4

Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.

Rut reakʼ kạhini 2:12

Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”

1 Johan 3:1

Ma ńeltabonpe, Isor Baba do tinạkʼe dulạṛetʼ bon kana, uni do acʼren gidrạko menteye hohowabon kana, ar sạrige bon onka kangea. Onate dhạrti do bae baḍae akatʼ bona, ente dhạrti do Isor hõ bae baḍae akadea.

Sereńko 139:17

E Isor, amakʼ noa hudisakʼko iń ṭhen do damangea! Ar onako do lekhare ḍhergea.

Sereńko 31:19

Amakʼ bhạlạiyteakʼ do samani maraṅ! Am botoram kanko lạgitʼge ona dom dohoakada; amre hirlạ akanko do amgem bhạlạiyetʼkoa, ona do sanamko samaṅrege.

Sereńko 17:8

Mẽtʼ reakʼ moni leka am do rukhiyạyińme; ar okoe ińko hạneńkan onko bạṛicʼ hoṛko khon, ar okoe do gojeń lạgitʼko esetʼ ạcur akadiń onko bạiriko khon, amakʼ phạ̃kṛạ̃kʼ latarre goṅgotʼ dohokańme.

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Sereńko 63:7

ente am kangeam ińren gokʼṛoyicʼ; amakʼ phạ̃kṛạ̃kʼ reakʼ umulre iń doń sereńjoṅ kana.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼkana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiyạdarpe hoyokʼ.

Sereńko 57:1

Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?