Sereńko 36:10 - সান্তালী বাইবেল

¹⁰ Okoe amko baḍae akatʼme onkore amakʼ asambheṛ dulạṛ do jaejug hạbicʼ tahen ma; ar okoeyakʼ ontor khạṭige onko do jaoge amakʼ dhorom bicạrko ńama.

Sereńko 36:10 Referans Kwoze

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Ibriko 8:11

Apnar ato oṛakʼrenko ar apnar boehako, okoe hõ noa menkate do ar tishõ bako cetʼakoa, ‘Probhu Isor baḍaeyeme mente,’ ente sanamkoge iń doko oromińạ.

Jirimiạ 22:16

Uni do reṅgecʼ orecʼko ar dukhạliạkoakʼ mamblae chinḍạuetʼtako tahẽkana. Probhu Isor baḍaeye do ona sanamakʼ kạmikoge.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.