Sereńko 35:5 - সান্তালী বাইবেল

⁵ Onko do hoete peṭecʼ lekako oṭaṅokʼma; Hẽ, Probhu Isorren goḍet do onkoe lagako ma.

Sereńko 35:5 Referans Kwoze

Jobakʼ 21:18

Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Ibriko 11:28

Uni do biswạs iạtege bańcaokʼ porob ar mãyãm chiṭiạu reakʼ niạme manaoleda, jemon nonosṭoyicʼ goḍet do pạhil janamkoe gocʼlekore Israelrenko jemon aloe joṭetʼko.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Sereńko 90:9

Amakʼ botoranakʼ edre talate aleakʼ din do parom calakʼkana; ar sahẽtʼ lekage aleakʼ bochorko hõ caba hijukʼ kana.

Rak̕joṅ 3:66

E Probhu Isor onko do edretem laga ńirkoa, ar amakʼ serma latar khonem maraokoa.