Sereńko 35:10 - সান্তালী বাইবেল

¹⁰ Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Sereńko 35:10 Referans Kwoze

Sereńko 140:12

Ińiń baḍaea Probhu Isor do dukokʼko secʼ menaea ar nacarkoakʼ do hok reakʼe bicạra.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

Sereńko 71:19

E Isor, amakʼ dhorom reakʼ kạmi do serma hạbicʼ seṭer akana; ar joto maraṅ kạmiko do amgem kạmi akada; E Isor, am samaṅre ar okoe menaea?

Sereńko 51:8

Iń do kusi ar hulạs reakʼ aṛaṅ ańjom ocoyińme; ar amem gejer akatʼ ińakʼ jaṅko hõ rạskạ ocowakʼme.

Sereńko 18:17

Ińren daṛean bạirikoakʼ ti khon ar iń kurudạńko reakʼ ti khon uni doe bańcaokedińa; onkoakʼ daṛe do iń khon hõ ḍhergetakoa.

Sereńko 38:3

Amakʼ edre iạte ińakʼ hoṛmo do niphuṭ bạnukʼa, ar kại iạte ińakʼ jaṅko hõ nirại bạnukʼ anaṅ.

Sereńko 34:20

Uni do uniyakʼ sanam jaṅkoe rukhiyạitaea, onako do mitʼṭecʼ hõ bae rạputʼ ocowakʼa.

Sereńko 32:3

Iń do tinre kại bạń aṅgoc akatʼtiń tahẽkana unre goṭa dingeń hae haeyokʼkan tahẽkana ar ińakʼ jaṅko do heṛokʼkantiń tahẽkana;

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?

Sereńko 102:3

Ińakʼ dinko do dhũạ leka cabayena; ińakʼ jaṅko do culhạ seṅgelre lo roṅgokʼ kantińạ.

Sereńko 69:33

Probhu Isor do nacarkoakʼ kathae ańjoma; ar uniren hoṛko, okoe do bundi dosare menakʼko, onko do nicạṛ mẽtʼte bae ńelkoa.

Sereńko 37:14

Dukokʼko ar ṭonṭakʼkanko maraoko lạgitʼ, ar dhorom horte calakʼkan hoṛko gocʼko lạgitʼ, onko bạṛicʼ hoṛko do tarwaṛeko bocʼetʼtakoa ar akʼ ko gakʼ akatʼtakoa.

Sereńko 34:6

Nui nacaricʼ do Probhu Isore hohoadea; ar Probhu Isor do uniyakʼe ańjomketʼtaea ar sanamakʼ kosṭo khon uniye bańcaokedea.

Sereńko 22:24

Nacaricʼ reakʼ nacartetʼ do bae nihạ̃t giḍiya; Uni secʼ acʼakʼ mẽtʼãhã do bae betʼ dohokakʼa, bickom uniyakʼ rakʼjoṅakʼe ańjomketʼtaea.

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

2 Samuel 22:18

Ińren daṛean bạirikoakʼ ti khon uni doe bańcaokedińa; iń kurudạńko reakʼ ti khon onkoakʼ daṛe do iń khon hõ ḍhergetakoa.

Sereńko 51:10

E Isor, amge ińre khạṭi ontor sirjạume; ar ińakʼ mon baṛe nãwã aroytińme.

Sereńko 103:6

Probhu Isor do lek lekageye kạmikana; uni do julum ocokʼkanko hokʼ reakʼe bicạretʼtakoa.

Sereńko 140:13

Dhorom hoṛ do khạṭige amko sarhaomea, ar ontorre khạṭi hoṛ do am samaṅreko girobasokʼa.

Sereńko 146:7

Uni do santao ocokʼkanko hok reakʼe bicạrtakoa ar reṅgecʼko do jomakʼe emakokana; Probhu Isorge bondi akankoe chaḍaoetʼkoa.

Jirimiạ 20:13

Ape do Probhu Isor ńutumte sereńpe. Probhu Isorge õṛhẽyepe. Uni do dusṭạmi hoṛkoakʼ ti khon reṅgecʼ orecʼkoakʼ jiwiye rukhiyạyetʼtakoa.