Sereńko 35:1 - সান্তালী বাইবেল

¹ E Probhu Isor, okoe doko iń upạrtenkan onko upạrte amhõ teṅgonme; ar iń upạrte okoeko lạṛhạikan onko upạrte amhõ lạṛhạime.

Sereńko 35:1 Referans Kwoze

Sereńko 43:1

E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.

Sereńko 119:154

Iń secʼ katha baṛe roṛme ar ińiń miridosge ona sạbudme; amakʼ gokʼakʼ lekage nãwã daṛe danạńme.

Jirimiạ 51:36

Ona iạte Probhu Isore meneda, “E Jerusalem, iń doń am sejokʼa ar am huyạteń hala hạlikʼa; uniyakʼ jalapuri doń rohoṛtaea ar sanam bhumbuk koń ańjetʼ ocoytaea.

Jesaea 49:25

Mekhan Probhu Isore meneda, “Hẽ, daṛeanicʼren jhuṭiạuicʼ hõe recʼ idi ocokʼa ar kumãyaicʼren recʼ akawanicʼ hõe chaḍao ocokʼa. Okoe am tulucʼko jhogṛakʼ onko tulucʼ do ińgeń jhogṛakʼa ar amren hoponko do ińgeń rukhiyạkoa.

Kạhtukko 23:11

ente onkoren chakʼḍaoicʼ doe daṛeangea; unige am upạrte onkoakʼ mamblae calaoa.

Rak̕joṅ 3:58

E Probhu Isor, am do iń secʼem hoyakana, ar ińakʼ jiwim chaḍaoketʼtińạ

Kạhtukko 22:23

Ente Probhu Isor do mamblareye onko sejokʼa, ar okoe onkoakʼ jiniskoko recʼ ạguakatʼ uni do onkoakʼ jiwiye hataotakoa.

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”

Exodus 14:25

Ona chaḍa uni do rãt gạḍiko reakʼ pạihạ̃ko hõe totʼgiḍikatʼ takoa; onate rãt gạḍi cakʼlao hoṛ do ạḍi kosṭo hoyen takoa. Unre misriko doko menkeda, “Dela, abo do Israelko bạgikate bon dạṛ joṅma, ente Probhu Isorge Israelko secʼ hoykate abo upạrteye lạṛhại kana.”

Aposkạmi 5:39

Menkhan Isor secʼ khonakʼ kan khan ohope thir ocodaṛelekoa. Ente hoedaṛeakʼa ape do Isor upạrtegepe lạṛhại kan.”

Aposkạmi 23:9

Unre maraṅ gulmal hoyena ar Phạrusi dolren adom sostor baḍaeko doko teṅgoyente ạḍiko rapṭa rạpṭiyena. Onkoko menkeda, “Ale do nui hoṛakʼ jãhãn dosge bale ńametʼtaea. Hoedaṛeakʼa jãhãn jiu se sermaren goḍet do uni sãoteye galmarao akada.”

Mikạ 7:9

Ńitokʼ do Probhu Isorakʼ edrele asen baṛayetʼkana, ente ale do uni upạrtele kại akada, menkhan mucạtʼre uni doe ale sejokʼa ar aleakʼ ạidạriye teṅgoalea. Uni do marsalteye oḍok ạgulea ar ale do uniyakʼ dhorom reakʼ bicạrle ńela.

Nehemiạ 4:20

Jãhãege sakwa reakʼ saḍepe ańjom unrege ale ṭhenpe jarwakʼa. Ar aboren Isor do abo ńutumteye lạṛhạiya.”

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Exodus 14:14

Ape do eken thir hape akae tahenpe. Probhuge aperen hoykateye lạṛhạiya.”

Exodus 23:22

Uniyakʼ kathape luturakʼ ar iń okakoń lạiyakatʼ onape onkae enḍekhan iń do aperen bạirikoren bạiriń hoyokʼa ar okoe ape upạrteko teṅgokʼ onko upạrteń teṅgokʼa.