Sereńko 34:9 - সান্তালী বাইবেল

⁹ E Probhu Isorren hoṛko, ape do uni botoraepe, ente okoe uniko bhoktiae kan onko do cetʼ okulạnge baṅ hoyokʼtakoa.

Sereńko 34:9 Referans Kwoze

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

Philipiko lạgitʼ Pạul apostolakʼ ciṭhi 4:19

ar noate Isor doe kusikʼkana. Ińren Isor do acʼakʼ ṭhonokte perecʼ dhon lekate Mạsi Jisu hotete apeakʼ joto ṭonṭakoe cabaetapea.

Sereńko 23:1

Probhu Isor kangeae ińren gukʼpiyicʼ, iń do ohogeń ṭonṭalena.

Sereńko 31:23

E sanam Isor bhokti hoṛ, ape do Probhu dulạṛepe biswạsiko do Probhu Isorgeye rukhiyạkoa menkhan phulạukʼkanko do purạteye sạjạikoa.

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Sereńko 22:23

Ape okoe do Probhu Isorpe botorae kan ape do uni sarhaoepe. Jakobren bõsrenko, ape do uni manotepe. Israelren sanam bõsko, ape hõ uni botoraepe.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.